المقالات

الوحدة...

الوحدة حاله من الاحتياج للاتصال العميق في العلاقات الإنسانيه

ممكن تكون وسط ناس وليك أصحاب وبرده حاسس بالوحدة

احنا مخلوق لازم ينتمي لحد

وممكن تبقى لوحدك بس حاسس بالونس

فكم من منفرد لا يشعر بالوحدة

وكم من مجتمع ولكنه وحيد

فالوحدة وحدة وجدان لا أبدان ...

شمس التبريزي

◼️ الأسباب الي بتدخلنا في شعور الوحدة

🔻 تكون قاعد وسط ناس ماحدش منهم فهمك وبيقللوا من مشاعرك ومفيش اصلاً بينكم مواضيع مشتركة

ده بيعمل شعور بالغرُبة أنك مش مفهوم ولا متقدر..

🔻 حزن دفين نتيجة لفقد أولأزمة في الماضي وماتعالجش

فبتبقى شايف ماحدش فاهمك ولا حاسس بيك

أو ان الناس كلها ماتستاهلش أومالهمش لازمه

🔻الاستخدام الزيادة للسوشيال ميديا أو التلفزيون

مفيش انشطة اجتماعيه ولا حاجة رايحه جايه بينك وبين الناس بشكل واقعي ده بيزود من اعتزالك للناس

🔻 ادمان المواقع الإباحية سبب رئيسي للشعور بالوحدة

🔻 غياب العلاقات الإجتماعية

إنك متجنب التعاملات وتكوين العلاقات من الأساس لو في خروجات او سفر بترفض تشترك

عايش في معزل مع نفسك وقاطع كل صله تربطك بالدنيا والناس اللي حواليك

✅ الحلول

✔️الأعمال التطوعية

 في صحيفة الجرديان عملوا دراسة نتيجتها إن الاشتراك في الاعمال التطوعية ساعتين كل يوم بيقلل شعور الوحدة

تنضيف المسجد أو زيارة لدار مسنين أو دار أيتام

تعمل ده بقلب وبرغبة حقيقية في التواصل وإدخال السعادة على قلوبهم

✔️ تقليل كل ما هو تعامل مع الإلكترونيات

تقضية الوقت في مشاهدة المسلسلات والأفلام أو الألعاب الإلكترونيه

كل ما قللنا الانغماس في الحاجات دي  هيقل معاها الشعور بالوحدة

✔️ العناية بالحيوانات الأليفه

وجود حيوان إليف هيؤنس وحدتك وهيكون في حالة اتصال عميق ورعاية

✔️ التواصل العائلي

صلة الرحم مع الشخصيات اللي مش بتتواصل معاهم بشكل دائم واللي مفيش حد بيسأل عليهم من العائلة

تعميق العلاقات بالأهل وصلة الرحم بيقضي تماماً علي الشعور بالوحدة

✔️ اتعلم هواية جديدة

سباحة او ركوب عجل بيديك شعور إيجابي مريح لاكتسابك مهارة جديدة وده بيقلل كتير من شعورك بالوحدة

✔️ استبدال السلبي بالإيجابي

كل ما تلاقي نفسك في حاجة مضيقاك أعمل حاجة تفرحك

اعمل قايمة بكل الحاجات اللي بتفرحك و بتحب تعملها وكل ما تضايق طلع القايمة ونفذ منها حاجة أو اتنين

اعمل تمارين تنفس واقرأ قرآن أو كلم حد بتحبه..

لا تعِش وحدك، ولا تمشِ وحدك، ولا تكن في أي أمر وحدك، ادع الله أن يؤنسك بمن يألفك وتألفه في خلقه

لا تمثل، لا تكابر، لا تدّعي أنك بخيرٍ بعيداً عن الناس فما أشد من حاجة الإنسِ إلى الأُنس..

بتتغلبوا إزاي على شعور الوحدة؟