العلاقة المرتدة
العلاقه المرتده
هي علاقة بتدخلها بعد فترة قصيرة قوي من علاقة دخلتها كانت طويلة الأمد
أو استمرت فترة طويله
فبتطلع منها تدخل بسرعة على علاقة جديدة
أسبابها ايه
◾ فراغ عاطفي
ان بقى عندك فراغ ومحتاج حد يكون شريك للحياة موجود
◾الاعتمادية
كنت اعتمادي جدا في العلاقة القديمة وبالتالي محتاج علطول يكون في حد تعتمد عليه
◾الخوف من الوحدة
فده بيخليك تقبل بأي علاقة حتى لو فيها ضغط وحرق بنزين كتير
العلاقة دي طالت أو قصرت بتبقى علي الفاضي
مشاعر علي الفاضي وتفكير علي الفاضي وبذل وقت ومجهود علي الفاضي
وفي الأغلب مابترحش في حته حتى لو كان فيها إلتزام رسمي
5 تصرفات لو بتعملها تقدر تقيس منها أنت في علاقة صحية و لا علاقة مرتدة
1. العلاقة الجديدة بتغيظ بيها الطرف اللي كان معاك في علاقة قبل كده
تحط صور أو تعمل اي حاجة توصل للطرف اللي كان معاك في العلاقة القديمة كمحاوله لإثارة غيرته
ده معناه ان لسه في مشاعر صاحيه من العلاقة القديمة وانت كده بتظلم الشخص الجديد ده
2. لما خرجت من العلاقة القديمة ماحولتش تفهم ايه اللي بوظها ومسؤوليتك كانت ايه
حتى او الطرف اللي فات كان غلطان بنسبة 90%
غلطك انت في اللي العلاقة وصلتله كان ايه؟
3. في تطور سريع جدا في العلاقة الجديدة
بتكونوا لسه عارفين بعض من فترة قصيرة جدا ومع ذلك بتتكلموا و بتتعاملوا بشكل غير منطقي
4. طول الوقت بتحكي في العلاقة القديمة بشكل زايد او مابتحكيش عنها خالص
في الحالتين المشاعر لسه حيه فمحتاج تتعامل معاها الأول قبل ما تدخل علاقة جديدة
5. المقارنه
بتقارن بشكل مقصود او غير مقصود
يعني لو مثلا الطرف القديم كان بيزعق دايماً و الشخص الجديد ده زعق مره
بيبقي رد فعلك عالي جدا وكانه لمس عندك وجع اللي فات وكانت هتشيله كل اللي حصل معاك في العلاقة القديمة
#الحل
ادي لنفسك وقت كافي تتعافى فيه من العلاقة القديمة
أبدأ اتعلم عن نفسك و أقرأ وألجأ لمختص لو احتاجت
لان مهم جداً تفهم نفسك وتفهم حدودك ايه وغلطك فين وايه محتاج تشتغل عليه في نفسك وتحسنه
وأنت عايز ايه في العلاقة الجديدة؟!
وقت ما توصل لده تقدر تاخد خطوة وتدخل في علاقة جديدة..
