الحب له مليون طريقة
الحب له مليون طريقة ..
الحب هو الشعور الأسمى والأبرز لكن رغم انه شعور جميل
أوقات بنلاقي صعوبه اننا نفهم الطرف التاني بيحب ايه ومش بيحب ايه؟
شريك شريك حياة أو شريك
ولما بتفهم نفسك بتقدر تعبر انت بتحبي ايه ومش بتحب ايه ..
عشان لما يظهروا حبهم ليك يظهروه بالشكل المُرضي ليك 🤍
وبالشكل الي يتناسب مع لغة الحب بتاعتك
ولما تظهرلهم حبك تظهره بالشكل اللي هما بيحبوا بتحبوا بيه 🤍
في خمس لغات للحب 5️⃣💖
لغة الحب الأولى
✨ كلمات توكيد
الكلام الحلو ♥ ️
الناس الي دي لغة الحب بتاعتهم
بيحبوا نتواصل معاهم ازاي؟ 💌
❣️التش التقليدية والتقدير👏
بيحتاج يسمع كلمات زي
برافو
ايه الحلاوة دي
ايه الجمال ده
❣️ تأكيد علي المشاعر وتفاعل مع الكلام 😍
لما بقول حاجة اقول آه فعلاً
اتفق معاك
ياااه معقول
انا رأي من رأيك
❣️يبقى في كلام كتير بيدعمه و بيحببه في الحاجة الي هيعملها
الانصات بإهتمام
تبقى مركز معاه بكل كيانك
باصص في عينه وبتهتم وبتتفاعل مع الكلام وبقول ياه _ايه ده-فعلا - حصل-بجد
🤍 Active listening
❣️لو جه يكلمك وانت ماسك الموبيل
مهم جدا فوراً في الثانية الي جه يتكلم فيها
تسيب الموبيل وتبصله
وترمية كده عشان يحس انه أهم
وبيبقى بيكمل كلامه عادي بس بيبقى مُقدر ومبسوط
وبتبقي استثمرت في العلاقة من غير ما تعمل اي حاجة 👌🤍
♻️Actions to take
✔️نبعت مسج مثلا" بحبك" 🤍
✔️او انا مبسوط قوي انك في حياتي
✔️او انا مبسوطه قوي انك صاحبتي
✔️او ورقة مكتوبة ممكن الزقهاله في العربية عليها كلام حلو
اي حاجة بالكلام الكويس تتكتب في ورقه أو في رسالة موبايل أو اقولها
وتكون مفاجأه ومستديمة 💕
❌ الحاجات اللي نتجنبها
▪️عدم تقدير المجهود بالكلام
ان انا مش مُقدر الحاجة الي هو عملها
لو جوزك مثلا جابلك هديه فانتِ مدتيش رد فعل
فلو هو بيفرق معاه الكلام الكويس وأنتِ مقدرتيش مجهوده
تبقي ضربتيه في مقتل
محتاج دايماً اني اكون مُقدر
ماعد تماما عن عدم التقدير بالكلام
وأبعد تماما عن انا اقول كلام جارح
يعني دائما اي حاجة بالكلام
ايجابي او سلبي بي تؤثر على جامد جداً
لو اتقاله كلام سلبي ممكن يعديه ومياخدش موقف
بس مش بينساه و بيفضل أذيه لمدة طويلة
وبتفقد رصيد كبير ليك في العلاقة ..
الحب ..عملُ قلبٍ قبل أن يكون منطوقَ لسان 🤍
لغة الحب التانيه
✨ اللمسة الجسدية ✨
الناس اللي بتحب التلامس
الحضن ، الطبطبه ..
بياخد باله جدا من لغة الجسد في التعاملات
حركة الأيد وقت الكلام 👏
حركة الوش
بيحبوا يفهموا كده أكتر
وبيوصلهم أكتر من التواصل عبر طريق الجسد من كلام
اني اعمل قلب بإيدي 🥰
دي بالنسبالهم يا سلام يا سلام
العمل الواجب اتخاذه
اي حاجة ليها علاقه بالتلامس
الشخص الي بيحب ال لمسة جسدية
هتلاقيه مقبل جدا في السلام
بيحضن وبيطول في الحضن
بيتصرف بجسمه بشكل زايد عن اللزوم
بيحب يقرب وبظهر التقدير بالتلامس
أو تظهرله برده التقدير طريق الجسد
وان احنا بنطبطب عليه أو بنحضنه 🤍
❌ الحاجات اللي نتجنبها
ال إهمال
ال إساءة
لو جوزك او مراتك لغة الحب بتاعته اللمسة الجسدية
مينفعش تحت اي بند تتجاهل الموضوع ده معاه
تجاهل الحضن أو الطبطبه أو مسكة الأيد
دي معناها انك بتفقد رصيد كبير جداً في العلاقه
لو مع أولادك آخر حاجة تعملها تبرقلهم
او انك تضربهم او تقرصهم
اي حاجة فيها تعدي عليه بتعملها بلغة الجسد
بيبقي لو حد بيتأثر منها قيراط
هو هيبقي بيتأثر منها 24 قيراط
لو تخطيت حدود جسده وعملت العقاب بعنيك أو بايديك ..
الحب إن صحت حقيقته ..
أتى بكل جماله ..
أتى بالإهتمام والحنان ..
أتى بِِ البُنيان .. 🤍
لغة الحب التالته
هدايا إبداعية ⚡
تقديم الهدايا
الناس اللي بتحب لما تجيب الهدية تلف الهدية وتلاقي منها بلالين طالعة وبلالين ن القمر 🎈
الناس الي بتهتم قوي بتستيف الهديه 🎁
لو بنتك دي لغة الحب بتاعتها هتلاقيها كل شوية بتلف حاجة وبتقصقصها وبتعملها بطريقتها وتديهالك ❤️
اتخاذ الإجراء ♻️
الناس اللي بتحب الهدايا كتعبير عن المحبة ممكن مايركزوش على فلوس الهديه
بيبصوا الفكرة اللي في الهديه
فيديو مستخدم فيه بصوره وكاتبنله كلام حلو
اللي بيحب الهدايا بالنسباله انك خدت من وقتك ومن طاقتك ومن مجهودك علشان تعمل هدية دي أكتر حاجةرق معاه
❌ الحاجات الي نتجنبها
اخر حاجة تعملها انك تنسى يوم ميلاده
او تنسي مناسبه مهمه عنده
دي حاجة كارثيه بالنسباله
او انك تديله فلوس وتقوله هات لنفسك اللي انت عايزه
بعد ما نسيت عيد ميلاده
بس هو كده بيبقى عايز يقطع علاقته بيك وهو مش ندمان
الهدية هي تمنح من تحب ذاتك 🤍
لغة الحب الرابعة
⚡ وقت الجودة ⚡
تقضية وقت خاص
اللي بيحب بالشكل ده بيحتاج لازم يكون في وقت بتاعه لوحده
وهتلاقي دايما مشاكله مع شريك حياته
انت مابتدينيش من وقتك
وهتلاقيه دايما بيتكلم بالوقت ..
لازم يكون في انتباه كامل معاه في الوقت ده
لو ابنك او بنتك دي لغة الحب بتاعته
لازم تحدد كل يوم وقت تقعد معاه فيه
تسأليه عن يومه وتسمعه بتركيز وانتباه ..
كيفية التواصل ♻️
نحدد وقت حتى لو ربع ساعة يوميا بتاعه
وانت اللي تسعي انك تكون مركز معاه وبتسمعه ..
اتخاذ الإجراء ♻️
تحديد مكان حلو تقضي الوقت معاه فيه
✔️ايه رايك نروح نقعد علي النيل شوية
✔️ايه رايك لو نخرج نتعشى بره
❌ الحاجات اللي نتجنبها
ان مايكونش في حضور كامل وانت قاعد معاه يعني باصص في حته تانيه
أو بترد على التليفون
ده معناه انك بتخسر رصيد كتير في العلاقة وانت مش واخد بالك ...
لازم يبقي عارف ان مفيش اهم منه في الشوية الي هو قاعد معاك فيهم
لازن تكون حاضر تماما بجسدك وبروحك في الكلام
في بعض الأحيان قد يكون شكل من أشكال الحب مجرد التحدث إلى شخص ما تكون سعيداً جداً في وجوده بالقرب منك .. 🤍
لغة الحب الخامسة
أعمال الخدمة⚡
إظهار الحب بالأفعال
ودي تقريبا 80 ٪ من الرجالة دي لغة الحب بتاعتهم 🧔
بالنسبه له طلاما هو بيجبلك و بيته خير ومش ناقصك حاجة او بيحاول يعمل ده
يبقي هو شايف انك كده متهنيه 🤷🏻♀️
فبيبقي مستغربه انتِ مضايقة ليه!
لانه كده بيحبك .. 💁🏻
لو ست هي دي لغة الحب بتاعتها
هتلاقي نفسك متضرره انه مش بيساعد في البيت
او مش بيوصل الولاد التمرين
ازاي ماهتمش لما كانت تعبانه ومارحش ومانزلش وماجبش
أعمال الخدمة
يعني تصرفات طول الوقت بالأفعال وبالخدمات 👌
لو انتِ مابتعمليش خدمات يبقي انت مابتحبينيش
كيفية التواصل ♻️
لازم طول الوقت تقوليله أعملك ايه اساعدك ازاي
لكن لو دي لغة الحب بتاعته وبتبقي شيفاه عمال يلف في الشقه ويشيل ويحط
وانتِ قاعد حاطه رجل علي رجل
خلاص هو بيبصلك بس بيحس ان ليه كان اختياري سئ اني اختار واحدة مابتحبينيش 🤦🏻
الإجراءات الواجب اتخاذها ♻️
احضرلك الفطار
ايه رايك اعملك حاجة سخنه
طول ما هو شايف انك بتعملي
فلما بيحس انك الي هتقومي وتعملي يبقي انتِ بتحبيني ..
❌ الحاجات اللي نتجنبها
اني اقوله هعمل حاجة وماعملهاش
مثلا ابقي جددي الكارنيهات وانت تقول حاضر
وانا طنشت
وكل شوية يسأل جددتي الكارنيهات
وانت تقول لا نسيت
كل شوية يسأل وانت تقول لا والله
كده هو بيشوفك مهمله ..
فطلاما دي لغة الحب بتاعته
لو قالك فردة الشراب فين
ييقي لازم تسيبي الي في ايدك وتدوريله علي فردة الشراب
عشان لو سألك تاني وتالت وانتي مجبتيهوش
رصيدك بيقل جدا جدا في العلاقة
حتي لو انتِ مولعة صوابعك ال 10 شمع كزوجة
إذا كنت لا تتقن الاهتمام إياك تتحدث عن الحب الاهتمام الكبير قد يغلب الحب أحياناً .. 🤍
