المقالات

 ١٠خطوات هتساعدك تحبي ذاتك 

احنا بنقتل نفسنا بالكلام الي بنقوله لنفسنا عن نفسنا أكتر من أراء الناس فينا بنظلم نفسنا مرتين.. 

مرة لما بنصدق كلامهم عننا 

ومرة تانية لما بنردده أحنا جوانا و ونقوله لنفسنا ونتعامل علي أساسه 

أنا أصلًا متحبش 

أنا مبعرفش اتكلم وكلامي دبش 

أنا تخينة

أنا لا أستحق 

◽خليك رحيم بنفسك و بقلبك

ماحدش هيديك حاجة أنت مش عارف تديها لنفسك وماحدش هيصدق فيك لو أنت مش مصدق في نفسك

8 خطوات أقفش بيهم الفكرة الي في دماغك وغيرها 

و١٠ خطوات ايجابية تساعدنك في حب ذاتك 

🟪اقفش الفكرة 

اقفش ان في فكرة سلبيه في دماغك عن  نفسي 

بلاش اكون انا الي بزودها علي نفسي و باكد الفكرة وبكررها 

🟪القبول

🔹أتقبل ان في فكرة سلبية في دماغي عني 

اني لا استحق او انا مش كويس  

جسمنا بيخزن كل مشاعرنا مهما تخيلنا اننا كاتمينها أو متجاهلينها 

🔹أبدأ اعمل زي عملية اسكان لجسمي 

بدات اجز علي أسناني 

القولون تعبني 

جالي صداع 

ضربات قلبي مبقتش مظبوطة 

🔹اعمل عمليات تنفس عشان اهدي جسمي 

🔹أعمل لنفسي كل الي كنت هعمله لو قاعدة مع حد مقرب مني و بيشتكيلي من وجعه

هحضنها🫂

هقولها كلام حلو وتشجيع 👏

هطبطب عليها💞 

🟪️مناقشة

اتناقش مع نفسي عن الفكرة الي بتزن في دماغي ومنكده علي دي

هل هي أصلاً حقيقية؟ 

طب لو حقيقية هل أنا متأكدة لو حصل العكس هبقي مرتاحة وفرحانة! 

يعني مثلاً مضايقة إنك تخنتي 

📍افكر يعني هو كل الرفيعين عايشين مرتاحين

طايرين من الفرحة 🤔🙄 

♻️لما بتتناقشي مع نفسك عن الفكرة 

🧠 عقلك بيدور علي إجابات و بالتالي بيقلل حجم الفكرة دي 🤏 

🟪هو أحنا بس إلي عندنا مشاكل

نفكر في الناس الي حوالينا هل في حد! معندهرش مشاكل أو خالي من العيوب! 

هل أنا الإنسانة الوحيدة الي بغلط 

ولا دي طبيعة الدنيا كلها 

كلنا عندنا مشاكل وكلنا فينا عيوب و كلنا بنغلط لاننا ببساطة بشر 🤷🏻‍♀️ 

🟪أسامح نفسي

اكتر حاجة بتكسرنا إننا بنجلدها بنحملها ما لا تطيق 

بتعامل مع نفسي على اني مش مقبول اني اغلط

ولو غلطت حتى لو غلط كبير كلنا وارد نقع فيه 

بفضل بتعامل مع نفسي بدونية ومبقدرش اتسامح معاه نفسي اني زلت أو أخطأت  

سامحي نفسك وتوبي وأبدأي خدي خطوة في طريق الصح بدل ما أنتِ عطلانة في طريق الغلط و الألم 

"قال ربِّ إني ظلمت نفسي فأغفر لي فغفر له إنه هو الغفور الرحيم" 

🟪أحترم نفسي و أقدرها  

أتكلم مع نفسي عن نفسي بشكل كويس و أفتكر اني لو مدتش التقدير و الإحترام لنفسي  وشجعت نفسي محدش هيديني ده 

أولى الناس برحمتك وودك وقبولك هي نفسك 

🟪التجربة

هتلاقي عقلك بيقولك كل ده كلام فارغ ومفيش حاجة هتتغير 

طب يا ستي ما تجربي هتخسري ايه؟!

الخوف قبل التجربة عجز 

🟪نقاط القوة

اركز علي مميزاتي ومهاراتي ونقاط قوتي و أحاول اطور من نفسي أكتر 

وأفكر نفسي بمواقف أتصرفت فيها تصرف حلو و مميز 👏🌸

10 خطوات هتساعدني أحب ذاتي وهتسهل علي الخطوات الي فاتت 

🟡اشوف حاجة انا بحبها اعملها 

لو بحب اسمع موسيقي مثلاً اعمل بلاي ليست لكل الي بحب أسمعه يكون جاهز عندي  

🟡أستمتع ببشريتي 

ولان احنا بشر فينا نقص و فينا عيوب أقبل نفسي بالوحش والحلو الي في 

🟡امارس نشاط 

نعمل انشطه صحيه بتخلينا مبسوطين 

نركب عجلة أو نتمشي 🚶🏻‍♀️ 

🟡لا أهمل احتياجاتي 

لو في حاجة وجعاني او تعبانة و بأجل مشوار الدكتور أبدا اخد خطوة و أكشف 

🟡 مش سهله بس مستاهله

خليكي  طيبه مع نفسك و أعرفي ان الي بنعمله ده مش سهل تنفيذه عاوز صبر ومجاهده وتحرير ألم و تغيير كتير 

لكن نتيجته ان شاء الله هتكون مُريحة و مُرضية ليكي بعد التعب والي هيعينك تكملي الطريق هو مراعاتك لنفسك و انك تكوني أكتر قبول ورحمة بنفسك 

🟡 استبدل اي أفكار سلبيه بأفكار ايجابيه 

صاحبتي مبتحبنيش🙄

لا أنا أتحب هي الي مش شايفة 🥰 

🟡 اساعد نفسي اني اكون أهدى

اعمل عمليات تنفس مع التركيز مع التركيز علي نقطة واحدة يومياً 10 دقايق 

أو أقدر أنفذ ده في الصلاة لو نفذتي

ركن الطمأنينة في الصلاة 

والطمأنينة هي ارتداد النفس 

يعني مثلا 

(تكبيرة الإحرام.. شهيق طويل واخرجه بهدوء في الزفير 

وقبل كل ركن بكرر نفس الطريقة) 

لو نفذتيها صح حياتك هتتغير حرفياً وراحتك النفسية هتزيد جداً 

🟡 انا بعمل أفضل حاجة عندي 

نقول ده لنفسنا وللناس الي حوالينا

لو اتقالي (انتِ مكنش المفروض تعملي كده)  عادي ده الي حصل دي اقصي حاجة قادرة أعملها 🙂🤷🏻‍♀️ 

🟡 كلنا بنغلط دي الحقيقة احنا بشر 

هون علي نفسك و سامح تتسامح 

🟡 اقول لنفسي ان كلامي عن النفسي السلبي مش هياخدني لحاجة

بل بالعكس ولو مكنش حقيقه هيحصل بالوقت 

القضاء موكل بالمنطق