المقالات

كنت اتمني ثقتي بنفسي تكون أعلى من كدة!

أحيانا بدون وعي مننا بيكون شعورنا بانعدام القيمة وقلة ثقتنا في نفسنا احنا المتسببين فيها بسبب تكرار عادات سلبية مع زيادة ممارستها بهز صورة نفسي قدام نفسي

٣ عادات سلبية هنتكلم عليهم وعن طريقة حل كل مشكلة منهم

🔴 كلنا عندنا الاحتياج لاننا نكون مُقدرين و محبوبين وسط الناس نهتم بكلام الناس
عننا
لكن لو بقى الاحتياج ده هو المتحكم في نظرتك لنفسك و قيمتك الحقيقة
هتخسري نفسك أكتر بالوقت

لو بقي تركيزك علي الاحتياج اكتر من تركيزنا علي قيمتنا الشخصية
معندكيش تقدير شخصي لمميزاتك و عيوبك بعيدا عن اراء الناس هتتعبي كتير قوي

 الناس لا تعدل و لاتزن
كل يراكِ بعين طبعه
وعمرك ما هتعجبي الناس كلهم
الحل
كل ما قدرتِ نفسك، كل ما قل إحتياجك لتقدير الآخرين
استثمري في نفسك كل ما كان الي جواكِ شبه الي ظاهر منك للناس كل ما كنتي أكثر ثقة و راحة وهدوء نفسي
وكل ما كان في اظهار خلاف ما تبطني من أجل استرضاء الناس هيتملى بالاكتئاب و الحزن و قلة الثقة في النفس

🔴 التفكير السلبي
انا مقدرش اعمل القصة دي مش هعرف اكون في المكانة دي..
شايفة نفسك دائماً لا تستحقي أو أقل من المكانة الي أنتِ فيها
عندك شك لي امكانياتك خايفة تاخدي خطوة تجاه اي حاجة لحسن تفشلي

احنا بنكون الي احنا بنقوله عن نفسنا
الحل
غيري بروازك الإدراكي
الصورة الي رسماها لنفسك و بتردديها و بتكرريها خليكِ أكتر وعياً بنفسك أتعلمِ عن نفسك و أفهميها و أعرفي مهاراتها و أسعي انك تطوريها
قولي لنفسك
انا كويسه واقدر أطور من امكانياتي
لو مبعملش ده دلوقتي هعمله بعدين
انا كويسه كفاية ولو مش كويسه في المهارة دي هكتسبها وهتعلمها
الناس مبتنجذبش للخايف و المتردد و الي معندوش حاجة يقدمها
لما تعلي من قيمة نفسك اتوماتيك الناس هتهتم تكون قريبة منك

🔴 لعبة اللوم the blame game
لما بتحط في موقف مش حلو بدي اعذار لنفسي او بحط اللوم علي الأخرين

أنت الي خلتني أعمل كده 👈
بدي لوم بعلق شماعات علي الناس

ده بالوقت بيخليني أفقد  ثقتي بنفسي
ليه بقى؟!
لأنه بيحسسني اني معنديش قدرة علي المواجهة او علي الحل بيوصلي انا ده وطبعا بيوصل للناس الي حواليه
الحل
أتعلم أواجه غلطي واتحمل تبعات مشكلتي ملجأش للهروب او اللوم او قلب الطرابيزة عشان اخرج من موقف او مواقف هخسر بعدها ثقتي في نفسي و ثقة الناس في
ولو غلطت أكون من الشجاعة اني اعتذر لو غلطي ده تجاه شخص
ولو أسأت التصرف في موقف بشكل عام أتقبل ان طبيعي أغلط أعرف غلطي وأتعلم منه عشان مكررهوش