ماذا لو كنت انا الشخصية النرجسية
ماذا لو كنت انا الشخصية النرجسية؟! 🧐😲
عشان نقدر نقيم نفسنا هنقول هنا مجموعة صفاتاقيم نفسي من خلالهم
لو لقيت نفسي بعمل التصرفات دي ممكن اكون بميل ناحية السلوك النرجسي
والسلوك النرجسي غير اضطراب الشخصية النرجسية
الاضطراب لازم يحدده طبيب نفسي 👩🏻⚕️
🔘 الانتقاد
نقد لأجل النقد بنتقد كل حاجة و اي حاجة مفيش حاجة ولاد عاجبني 😐
كلنا ممكن نكون بيحصل مننا لكن بنسبه بسيطة وفي مواقف محددة 🤏
لكن هنا بنتكلم علي ان ده بيكون سلوك دائم ومستمر...
🔘 لا يقبل النقد
لو حسيت بس مجرد احساس ان حد هينتقدني بتحفز و أتعصب و أقوم الدنيا
لو بنعمل التصرف ده 🧐
ناخد بالنا 🙆🏻♀️
بيحب النكد
دراما كوين 😣😩
يلا ننكد علي بعض النكد أسلوب حياة و لازم نعيش طول الوقت في حالة من البؤس و الحزن أو الغضب
🔘 السيطرة ✊
مُسيطره و عاوزه اعمل كونترول علي كل حاجة في حياتي جوزي أولادي
مبقبلش ان حاجة تعدي من تحت ايدي كدة ولو حاجة فلتت مني بقوم الدنيا 😠
مهم اننا يكون عندنا تحكم بس علي نفسنا 🙋🏻♀️
عشان نكون متحكمين في مشارعنا و أفكارنا وقرارتنا بس فيما يخصنا أحنا مش فيما يخص كل الي حوالينا 🙄
🔘 لا أعوض و لا أستبدل و لا أقارن
احساس ان مفيش منه 😎
وده مختلف تماما عن الثقه بالنفس
لو واثقة في نفسي فانا عارفة مميزاتي ومتقبلة ان في عيوب
لكن الوضع هنا يختلف 🧐
أنا الوحيد..أنا الفريد.. مفيش مني أكيد 😎
🔘 لا تعاطف
مبيحسش باي شكل من التعاطف مع المحيطين بيه.. لا مشاكلهم ولا أوضاعهم 🧐
🔘الاستفزاز
شخصية عندها رغبة فظيعة في استفزاز الناس وانها تشوفهم بيخرجوا عن مشاعرهم وانهم يوصلوا لمرحلة انهم يخرجوا عن السيطرة و يغضبوا
يستفزوك ليخرجوا اسوء ما فيك ثم يقولون هذا انت 😏😑
و بعدين يقولك شوفتي نفسك وانتي بتزعقي
ازاي تتكلمي بالشكل ده 😐
Mode swang 🔘
شوية مبسوط قوي و شوية زعلان قوي
معندوش مرحلة وسط
ممكن تبقوا قاعدين والدنيا زي الفل و فجأه بدون مقدمات يقلب تماما ويقوم الدنيا 🧐🙆🏻♀️
،🔘 مبيتحملش مسؤولية
منقدرش نعتمد عليه في حاجة 🙄🌚
وبيبقي حاسس انه مبروك عليكِ أنا 😏🤔
مش مطلوب منه يقدم كمان في العلاقة مش كفايه مشرفك بوجوده ولا ايه 😒
🔘 عنده شخصيتين
جوه البيت حاجه و بره البيت حاجة تانية خالص
قدام الناس بيلبس شخصية ممكن يكون زوق جدا و شيك جدا و عنده ولبق جدا في الكلام
وجوه البيت العكس تماما كانه بيبدل شخصيته علي باب البيت 😧
🔘 ضحية
هو ضحية المجتمع و الناس و الحياة 😦
ضحية مراته الي مش فاهماه و ضحية عياله و ضحية الكوكب كله
بيعلق شماعة الفشل علي اي حد تاني غيره
المهم انه ضحية😏
🔘الإدمان
عنده ادمان لحاجة أو حاجات
مخدرات أو مواقع اباحيه بشكل دائم و بدون توقف
🔘 الشكر علي اللاشئ
دايماًمحتاج اننا نشكر فيه ونقول انه مبهر وفظيع و مفيش في عبقريته و لا رأيه 😒
🔘 الغضب
عنده مشكلة في السيطرة علي الغضب لما بيتعصب بيتعصب جداً لازم يعمل مشهد يكسر يقلب الحاجة مشهد متكرر ومعروف عنه انه بيعمل الشكل ده
كلنا ممكن تفلت مننا و يحصل مننا مشهد بس يكون مره او مرتين بالكتير في حياتنا
لكن الشخصية دي بيكون المشهد ده معروف عنه ومتكرر 🤷🏻♀️
🔘اختراق الحدود
دايماً بيتعدي حدوده مع الناس وكل ما يلاقي الي قدامه متساهل أكتر بيحاول يتجاوز أكتر 🧐
لازم يتوفر عندي 8 علي الأقل من الصفات دي عشان أقدر أقيم اني بميل لسلوك نرجسي ولو لقيتي نفسك بعد التقييم ممكن تكوني بتميلي للسلوك النرجسي متتردديش للجوء لمختص
