تصرفات بتخلينا مكشوفين للي حوالينا
تصرفات بتخلينا مكشوفين للي حوالينا
"الكذب والخداع و النفاق"
واي أسلوب تحت نفس البند و التصرفات..
مينفعش نكدب وننافق و نتكلم علي الناس من وراهم ونكيدلهم
ونستغرب هما ليه بعدوا عنك أو ليه تجنبوكِ ومبقوش عاوزين اي علاقة تربطهم بيكِ
مينفعش استبيح الناس و مشاعرهم و ارجع ازعل!!
ومتتخيليش ان عدم وجود دليل مادي علي الأذى ينفي حدوثه!
القلوب بتقراكِ في كل موقف حتي لو معندهمش دليل علي الأذي الي تم
أحيانا بس بيسّكتوا جرس الإنذار الي شغال في قلبهم
بإرادة منهم عشان بيحبوكِ ومش عاوزين يخسروكِ
مع ان ده مش صح 😔🤦🏻♀️
مينفعش أكون رايحة جايه بتعلم و بدرس عشان أكون أحسن وفي الاخر أكمل في علاقات بتأذيني و أسّكت الإنذار الي شغال جوايا ناحية شخص أو أشخاص موجودة في حياتي لمجرد إني مش قادرة أخد خطوة البعد ومش عاوزة أخسرهم..
لو مش عاوزة تخسريهم واجهي افرضي حدودك وأحمي نفسك ولو بيحبوكِ فعلاً مش هيستمروا في الأذية 🤷🏻♀️
بلاش نكمل في الغلط لمجرد ان شايفين ان كله بيعمله
بلاش نأذي عشان كله بيأذي وكله بينافق والدنيا كلها كدة
وبلاش نطمس علي قلوبنا بنفسنا ونعطل مشاعرنا عشان خايفين من الوحدة أو خايفين نكون لوحدنا أو عشان مش قادرين ناخد قرارات عكس رغبة قلوبنا
انتشار الغلط مش هيخليه أبدا صح
