لو تعرفي ناس امنتِها و اتاذيتِ منها
لو تعرفي ناس امنتيها و اتاذيتِ منها بعدها! 💔
كلنا أتحطينا في موقف علي الأقل مرة واحدة في حياتنا ان يكون في شخصية مُقربة منك صديقة أو حد من الاقارب
شخصية أنتِ مستبعدة تماما ان الأذى يجي منها ونلاقي الضربة جت منها
عارفة قد ايه ده مؤلم جداً و صادم
عشان كده هتلاقي هنا
10 نقاط مُجربة تساعدك في التعامل مع الشخصية المزيفة 🤝
🟪الدعاء
ترديد دعاء الحفظ والإستوداع طول الوقت من غير ما يكون أصلاً ظاهرلي اي حاجة مش كويسة
ده بيخلي كل أموري في وديعة الله و لو كان في فحياتك شخصية مزيفة هتتفاجأي ان الأمور بتتكشف بشكل أبعد من كل تصوراتك
"اللهم أكفينهم بما شئت و كيف شئت انك علي كل شئ قدير"
"اللهم من أرادني بسوء فاصرفه عني ورد كيده في نحره"
🟪نسبق بالخير دائماً
لحظة الأذى حتي لو أتالمنا بس هنقول الحمدلله اننا كنا مسبقين بالخير
والحمدلله اني مظلومة مش ظالمة
🟪الإحسان في المعاملة
نكون قدر المستطاع مسبقين بالخير و بالإحسان و بالتعامل الكويس لو اساءوا فلنفسهم
"ان أحسنتم أحسنتم لأنفسكم و ان اساءتم فلها"
مخليش الشخصية دي تجرني لمنطقتها وتخليني اتعامل باسلوبها انا المُتحكمة في تصرفاتي مش مجرد رد فعل لتصرفاتها
🟪التجاهل
بلاش الشخصية دي تستهلك أكتر من وقتها من وقتك و صحتك وتفكيرك
هي هتحاول تلم الناس عليكِ وتمثل دور الضحية عشان تجمع أكبر قدر من الناس حواليها
احتسبي الموضوع عند ربنا
لو محتاجة اتكلم واحكي واخد رأي حد
أكلم حد أكون بثق في رأيه وخلاص
🟪الناس بتتعرف وقت الازمة
أخلاق الناس بتبان في لحظات الخصومة
مش و أحنا حلوين وكل حاجة تمام
والي شوفناه بيتعامل مع أكتر من شخص بظلم او بإساءة و فوتناله عشان متأذيناش منه
مجرد ما يختلف معانا هيعاملنا بنفس الشكل
المزيف هيبان ولو بعد حين
🟪النية
النية هي حجر الاساس الي بيتبني عليه أي عمل
لو نيتك خير هتنبت خير حتي لو كان في البداية ظهرلك ان في ابتلاء
الخير هيجي حتي لو من مكان تاني تمام
والي نيته شر بيبان ولو بعد حين حتي لو تخيل انه ماسك كل حاجة في ايده و بيدبر و بيخطط
"علي نيتكم ترزقون "
🟪الهجر
الي يمشي يمشي متخافيش تخسري المُزيفين
بالعكس هم الي خسروا و انتِ كسبتِ كتير
كسبتِ ان ربنا ظهرلك الوشوش الي حواليكِ وعرفتي الي بيمكر ليكِ
كسبتِ نفسك عشان أنتِ تستحقي يكون حواليكِ ناس حلوة وبتحبك بجد
فنفضي مكان المزيفين عشان نستبدلهم بالأفضل
🟪نحط حدود
نتعلم نختار صُحبتنا
لان الشخصية المزيفة بتخترق كل الحدود وبتوصلك وبيحاولوا يدخلوا في الدايرة المقربة منك لإن هو ده هدفها من البداية
الناس الي هتستثنيها و هتقربيهم منك تفكري كويس هما مين وليه مش اي حد يقرب منك و يدخل دائرتك المقربة
🟪ندعلهم
لما بنطوع نفسنا اننا ندعي للي اذونا هتلاقي قلبك بينضف و بيلين
ندعلهم ربنا يشغلهم بنفسهم و يسعدهم بعيد عننا
🟪الطيب مش غبي
متخليش الاذي و السوء يجبرك تكفري بالطيبة و بالإحسان
الطيبة محتاجة قوة وحلم و ذكاء أكبر بكتير من الأذي و المكر
الي استغباكِ هو الغبي الوحيد في المكان
الي استغباكِ هو الغبي الوحيد في المكان
والحوار بالنسبالك مش اكتر من
زوبعه في فنجان
