المقالات

ما بيحوقش فيه الكلام 🙄 

ليه الشخص النرجسي مابيحوقش فيه الكلام و مهما قولت ومهما عملت ولا كاني بقول حاجة

 و غالبا بيعمل حاجة تانيه خالص غير الي انا عاوزاها؟! 

أول حاجة 

مهم جدا تقرأي وتعرفي أكتر عن الشخصية النرجسية من أكتر من مصدر

اعملي search

واقراي عن ال cycle of abuse  

دائرة الإساءة الي بينفذها النرجسي في تعاملاته مراحل العلاقة مع الشخص النرجسي 

🔘 بداية العلاقة 

بيغدق عليكِ حب 

مرحلة مثالية مفرطة وبيحسسك انك كل مميزات بس كل حاجة حلوة

"ايوه مفيش منك تخيل مهما هقول عنك قليل" 😍😁

بيبقي كل كلامه لطيف وظريف

بيدي وعود و بيعتذر 

بيعملmirroring لكل تصرفاتك 

الست بتحب بودنها

وهو ببعرف يتكلم حلو قوي 

فبيعلي جدا في كلام الحب عشان الهرمونات تزيد تزيد

فالجسم بيعتاد علي زيادة الهرمونات دي 

🔘المرحلة التانية 

هيقلل منك جامد هيتعدى حدوده ومش هيتعاطف 

فجأه

"مفيش في ولا حاجة ايجابية" 

بيتريق على كل حاجة كل حاجة مش عجباه

بيتريق على لبسك وطبيخك وتربيتك للولاد و اي حاجة وكل حاجة فيكِ

اول ما بتقبلي وأنتِ هتقبلي 

عشان هو خلاص زود الهرمونات في المرحلة الأولى

وبيبقى عامل ده وهو عارف تماماً هو بيعمل ايه ومستني لحظة ما يحس انه أتمكن منك تماماً

لازم يضمن انه لما يخبط فيكي و يقل ادبه ويتعدي حدوده انك هتفضلي موجوده

 وأنتِ وقتها بتبقي في مرحلة هستحمل اي حاجة بس متسبنيش

فبيبقي عارف ان مهما عمل اي حاجة انتِ رجعاله هيبدأ يكدب يهين يقلل منك يعمل إسقاط 

بيعمل gas lighting

بيعمل صمت عقابي

بيعمل ده كله عشان يسيطر علي الطرف التاني

وعشان يفضل محور حياتك 

🔘المرحلة التالتة  

هيختفي تمامًا

بعد ما كان مسخر وقته كله ليكِ 

هيبقى طول الوقت مشغول مشغول 😏

مشغول وحياتك علطول 😑

وهيقعد فترة مختفي تماما مش عارفة توصليله باي شكل 

وبيبقي بيتابعك من بعيد 

اول ما بيحس انك شميتي نفسك و بدأتي تقفي علي رجلك

فجأه بيرجع للمرحلة الأولى 

وفجاة بيرجع يبقى موجود 

وبيرجع يحب و يغدق عليكِ حب

وأنتِ بيكون عندك افتقاد للحاجات دي

فطبعا بترجعي

فالرجوع ده بيلف عليكي دورة ال abuse 

مرة تانية

كل ما لفيتي الدايرة دي أكتر من مرة 

ده بيحطمك نفسياً 

هو ده اجابة السؤال ليه الي بعمله مبيحوقش 🤦🏻‍♀️ 

ليه هو مبيردش عليكي وليه مش مهتم بالي بتقوليه و بالي أنتِ عاوزاه؟! 

لان هو أصلاً مش شايفه 

هو بيبقي مركز بس علي انه ينفذ عليكِ الدايرة دي

 كل تركيزه منصب علي نفسه

 وعشان يضمن انه مسيطر عليكِ طول الوقت لازم يضمن ان الدايرة دي بتلف عليكِ أكتر من مرة