التنمر 

مشكلة شائعة جداً و أطفالنا بيتعرضولها بشكل أو بأخر

عشان كدة لو أنت شخص شغال في التعليم 

أو أب أو أم ضروري تعرف ازاي تتعامل مع المشكلة دي وتمشي الخطوات دي مع أولادك

لو ابنك أو بنتك  بيتعرضوا لتتنمر 

الأول محتاجين نعرف

ايه هو تعريف التنمر؟ 

التنمر هو الأذى المتعمد بالكلام أو بالأفعال وبشكل متكرر

الشخص المتنمر بيختار ناس معينه يكون له سيطرة عليهم 

الحل سواء أم أو مُعلمة 

نطلب من الولد يطلع ورقه ويقسمها بالنص

يكتب في اليمين الحاجة الي شاف الناس بيتعرضولها 

و في الشمال الحاجة الي هو نفسه بيتعرضلها

ونقوله انواع التنمر 

1️⃣ التنمر الجسدي

(بيزقه - ببضربه - بيحط رجله عشان يكعبله)

لو بدأ يحكي حكايات نسمعه بحياديه عشان نعرف أكتر هو بيتعرض لايه 

2️⃣ التنمر اللفظي

(يشتمه - يغيظه-كل ما يتكلم يعلق عليه بشكل يجرحه - بيهدده) 

3️⃣ التنمر الإجتماعي 

ان شخص يطلع إشاعات أو يشوه صورة حد

أو ننبذه كجروب ونسيبه لوحده 

4️⃣ تنمر علي وسائل التواصل الإجتماعي 

لما ينزل صورة أو فيديو

أعلق تعليقات مش كويسه أو تعليقات فيها شتايم

أو أعمل أكونت بإسمه وأكتب شتايم وأتكلم بشكل مش كويس كأني بنتحل شخصيته

أصوره صوره وهو بيعيط او شكله مش احسن حاجة واعملها شير 

أو أعمل فيك أكونت وابعتله أو ابعتلها إني معجب بيكِ أو معجبه بيك 

ونشتغله شويه وبعدين ناخد الحاجات دي اسكرين شوت ونبعته علي جروب الدفعه أو جروب المدرسة 

كل ده نسيبه بيحكي أو بيكتب حتي لو محكاش نشوف التغيرات الي بتحصل عليه 

الحلول 

✅ اول حاجة بيعملها المتنمر إنه بيتأكد تمامًا إنه مبيحكيش لحد كبير

لازم يكون في حياة أولادنا 3 أشخاص بيثقوا فيهم

و يقدروا يرجعلهم و يحكلهم عن التنمر الي بيحصلهم 

نخليه يكتب ال 3 اشخاص الي ممكن يلجألهم 

✅ لازم ندرب أولادنا إنهم ميظهروش المشاعر الي حسينها للشخص المتنمر

إن هو أتحرج أو يبدأ يعيط 

نعلمه إزاي تاخد نفس وتهدي نفسك

إزاي لما يقول كلام يضايقك أو يعمل تصرف يصايقك يبقى أول رد فعل ليك إنك تضحك.. 

دائما المتنمر بييقى مستني رد فعل إن الي قدامه أتاذى أو اتحرج أو غضب

عشان يتأكد دائمًا إنه له سُلطة عليك

فلو حس إنه مش عارف يحطك في دائرة الحزن أو الغضب دي بيعرف إن هنا قوته ضعيفه عليك فبيدور على حد تاني 

✅ نتجنب الشخص المتنمر

نعمله un follow

اتجنب الأماكن الي هو فيها

هو عاوز يضايقني وأنا مش هضايق

فأنا هنا الأقوى 

✅ التعامل بشكل واثق من نفسي حتي لو أنا من جوايا مكنتش واثق

دائما المتنمرين بيتجنبوا الناس الواثقه من نفسها

وبيخطبوا الناس الي ثقتها في نفسنا مهزوزه أو شخصيتها ضعيفه 

لو أنا حاسس إني مش واثق من نفسي أدعي إني واثق من نفسي

ولما أرد.. أرد بهدوء

بعمل eye contact

صوتي واضح

ده بيخلي المتنمر يبعد و يحس  ده مستبعد إنه يقدر يأذيه 

✅ الرد الحيادي 

ان لو بيقولي فلان بيقول عليك كذا 

أول ما طلعت من الكلاس قعدوا يتريقوا عليك أو فلان بيكرهك أو بيشتمك 

أرد بشكل في لا مبالاه أو حيادية

(اوك مش فارق - عادي بتحصل) 

فلما بيلاقي إني مش مهتم بيعرف إني مليش سيطرة عليك.. 

ال 5 حلول دي مهمه جداً لاي حد بيعمل في مجال التعليم أو عاوز يوعي ولاده

وهتفرق كتير مع الولاد الي بيتعرضوا للتنمر بأي شكل..