حل مشكلتك من كتاب لعل فيه الإجابة
مفيش مشكلة ملهاش حل!
بس في مشكلة احنا مش عارفين ازاي نلاقيلها حل 🤷🏻♀️
11 أداة تساعدنا نلاقي حل لأي مشكلة مضيقانا
سواء مشكلة تخصنا احنا أو مشكلة بينا و بين شخص تاني
الأداة الأولى
اكتب المشكله دي بالتفصيل
اسرد موقفش كتابة✍️
أكتب التفاصيل الدقيقة للمشكلة
كل ما فرغت المشكلة علي ورق كل ما ده هدّى كتير من زحمة الدوشة الي في دماغك..
الأداة التانية
نعمل ملخص للمشكلة 📋
خلاص سردنا المشكلة نحددها في نقاط
المشكلة تتلخص في 1. 2. 3. 4
الأداة التالته
التركيز علي السبب الاساسي
محور المشكلة فين؟!
دايما بنتكلم عن فروع المشكلة
بس بيكون في سبب أساسي للمشكلة بنكون غافلين عنه وسط سحبتنا في التفاصيل
ونسأل نفسنا سؤال مهم
هل المشكلة دي متكررة؟
ده هيساعدنا نوصل للسبب الأساسي الي ورا المشكلة لو بتتكرر معانا
الأداة الرابعة
ابص للموضوع من غير أحكامي الخاصة
أصل أنا بحبها..
أصل أنا خايف ل يحصل كذا..
ابص للموضوع من غير ما أكون مندمج في مشاعري الشخصية
ابص بعين أحد المتخصصين
أو بعين حد بيحبني وخايف علي مصلحتي
حد باصص علي الصورة من بره وأكتب كان هينصحني بايه؟!
الأداة الخامسة
العوامل الخارجية المؤثرة علي حدوث المشكلة
فلوس
أو مثلا سفر الطرف التاني
ايه الحاجات الي بتاثر علي المشكلة دي بشكل مباشر وبشكل غير مباشر وأكتبها
الأداة السادسة
نقارن بين الماضي والحاضر
نقارن التغيير الي حصل
هل المشكلة دي قائمة بقالها سنه أو سنتين بس اتحسنت
يعني بتقل أو تبعتها بتتحسن!
ولا هي ماشية من سئ لأسوء وبتكبر
الأداة السابعة
نبص للمشكلة من كذا زاوية
من زاويتي ومن زاوية الطرف التاني
ومن زاوية المقربين له
ومن زاوية المقربين لي..
من الزوايا الي هي بتاثر علي اتخاذ القرار في الموضوع
هل لما بحط نفسي من اكتر من زاوية هل ده فرق شوية في نظرتي للموضوع؟!
هل ممكن يفرق شوية في حل المشكلة ولا لأ ؟!
الأداة الثامنة
الأسئلة الي معنديش ليها إجابة!
هل في زوايا مش مرئية بالنسبالي
هل في اسئلة مش متجاوب عليها
هل في حاجات مهمه أنا محتاجة ألقيلها اجابة
ودي مسببه حوار في الموضوع ومخلياني طول الوقت مسحوبة في التفكير أو في مشاعر مش مريحة
أسئلة محتاجة تتسال ويتلقالها إجابة ورد واضح!
الأداة التاسعة
(موافق ومعارض)
مين الي موافقني ومين الي معارضني
الأطراف الي في الموضوع رأيهم مبني علي ايه علي مصلحتي..
ولا علي مصلحة شخصيه ليهم!
واكتب من وجهة نظري..
ايه الي بيخلي في ظلم بيقع علي أحد الاطراف او في استبعاد لاحد الاطراف؟!
عمدا أو دون قصد
الي بيوافقني ببوافقني نفاق!
والي بيعارضني بيعارضني لمصلحتي ولا ايه!
نكتب بأمانه تامه
مفيش حد هيشوف ده غيري أنا فضروري جدا أكتب كل شئ بوضوح..
الأداة العاشرة
فين ربنا في الموضوع ده؟
نروح للقاعدة الأساسية ونسأل نفسنا
هل احنا بنستند لقاعدة ربانية
يعني ربنا فين في الحسبة دي
استعنا بربنا ودعينا واستخرنا!
الأداة الحادية عشر
الإدراك
ازاي قراري ده بيؤثر بالسلب أو بالإيجاب على الآخرين المهمين في حياتي
يعني لو جواز وخدت قرار أكمل هيأثر ازاي علي الناس الي في حياتي
ولو انا سبت هيأثر ازاي؟!
لو مشينا علي الخطوات دي للنهاية
هنلاقيها وضحت كتير قوي
وشوفنا حاجات ممكن كنا غافلين عنها
بعد ما أترتبت في دماغنا ناخد قرار بالحل الي هنلاقيه و نستخير ربنا فيه 🤍
أستعن بالله ولا تعجز💚
