اوعى تعمل كده وانت بتتكلم مع الحب
اوعي تعمل كده وانت بتتكلم مع الحب!
من أكتر الحاجات الي بتزود جدا رصيد المحبة في العلاقة
ان كل طرف يحس انه متشاف ومسموع ومتقدر..
فرق كبير بين اني أسمع الي قدامي واني أتعلم فن الإصغاء واطبقه في تعاملاتي معاه♥️
الإصغاء معناه اني ازاي يبقي عندي استماع جيد للي بيتقال..
في 6 انواع للاصغاء
📍الإصغاء التجاهلي
الي هو ماسك التليفون وهو بيتكلم
ده ميتعملش لان دي طريقه بتستفز الي قدامي
مهم اني اكون بسمع بانتباه و باحترام للطرف التاني
📍الإصغاء الانتقائي
اسمع بانصات
من غير تصيد أخطاء للطرف التاني
بسمع عشان أفهم
مش عشان أمسك في كلام معين وأدخل منه علي مشاكل جانبية
📍الإصغاء التظاهري
بسمع بتركيز وانتباه حقيقي
مش بدعي الانصات وانا مش سامع ولا منتبهه للكلام
بمثل اني بسمع وممكن اكون باصص للطرف التاني وكل حاجة وبهز دماغي بس انا مش سامع
📍الإصغاء التفاعلي
في كلام رايح جاي ما بينا بأسلوب لطيف ومريح
مش حد بيتكلم وحد ساكت وبس
📍الإصغاء الفعال
بسمع وانا منتبهه و بشارك بأفكار أو حلول او بتجارب شخصية وفي كلام رايح جاي بأسلوب مريح
وده درجة من الإصغاء أعلي من التفاعلي
📍الإصغاء التعاطفي
ده الأفضل على الإطلاق
بسمعه بقلبي وقادر أتعاطف معاه و أحس بكل مشاعره في الكلام
انا بتاثر وببادل المشاعر بيني وبين الطرف الثاني
خطوة لو نفذناها يبقي وفرنا علي نفسنا مشاكل كتير واستثمرنا في العلاقة بشكل ممتاز
"القلوب جُبلت علي حب من أحسن إليها"🤍
