كيفية اتخاذ القرار
كيفية اتحاذ القرار من علم النفس الإيجابي 👌
يومياً بنقف في مُفترق طرق
موقف أو مواقف بتحتاح مننا ناخد قرار فيها
وعشان نقدر نوصل للقرار الأصلح لينا
محتاجين نسأل نفسنا كام سؤال ونجاوب عليهم مع نفسنا بأمانة عشان نفسنا..😌
13 سؤال اداه من علم النفس الايجابي
13 سؤال بيخبطوا في التشوهات المعرفيه
🟤 ايه الحقيقة الي بتدعم الفكرة الي في دماغي؟
هل في دليل علي الفكرة الي جوايا ولا مجرد أفكار ومشاعر ملهاش أساس
وهل عندي دليل يثبتها أو ينفيها
دليل مادي قادر اشوفه بالحواس
🟤 ايه اسوء سيناريو ممكن يحصل حسب القرار الي هاخده؟!
أوقات بنكون محتاحين ندي لنفسنا أسوء توقع او افتراض ممكن يحصل
لإن وقتها ممكن نلاقيه ميخوفش ولا حاجة
ومش سئ بالقدر الي كان مخلينا عطلانين عن اتخاذ القرار 🤷🏻♀️
🟤هل أنا في حُكمي علي الموضوع
بحكُم من وجعي أو من تجارب فاتت أو حاجة حصلت في الماضي!
بتعامل من الخبرة الي حصلت من الموقف الي فات ده في حين انها تجربة مختلفة واشخاص مختلفة 🤔
🟤 هل لو الفكرة الي في دماغي سلبية
بنسبة كبيرة
مفيهاش ولا اي حاجة ايجابية
يعني لو واقفة علي قرار طلاق مثلا لا قدر الله
لو هتاخد قرار بالانفصال ممكن يكون في مخاوف وأفكار كتير سلبيه
بس أكيد في جزء ايجابي هاخده من القرار ده وإلا مكنتش وصلتله
بنسبة 10 أو 20 ٪
ينفع اشوف الوضع بشكل إيجابي..
🟤الحاجة الي محيراني قوي أو مقلقاني دي
هل بعد شهر او بعد 3 شهور هفتكرها
ولا لا؟!
وهفتكرها ازاي انها كانت حاجة كبيرة ولا حاجة تافهه!
🟤حل المشكلة دي ملهوش إلا طريقة واحدة
ولا ممكن يكون له شكل تاني ناجح
وأكون اتعاملت بيه في مواقف مشابهه للقصة دي ونفع؟!
🟤لو انا بتحكي الموضوع ده لحد بتثق فيه جدا
(أبوك - صاحبك)
ايه النصيحة الي كان ممكن يديهالك؟!
🟤لو الموضوع ده انا مش قادر اتقبله أبدا
هل في اي جانب ممكن يخليني اتقبله باي نسبة 10٪ او 20 ٪ مثلا
سواء القلق ده ناتج من موقف أو من شخص
لو انا في حاجة ممكن اقبلها ممكن تكون ايه؟
🟤هل افكاري و السرحان مع افكاري في اتخاذ القرار بتساعدني و لا بتبوظ الموضوع أكتر؟..
🟤 هل انا أقدر اتحكم في الفكرة دي و اخد قرار متزن ولا لا؟
غير الأفكار الي في دماغي هل في حد تاني ممكن يكون قومني او اتريق علي مثلا وده زود شعوري السلبي تجاه الموضوع؟
🟤هل أنا بستخدم حاجات من نوعية لازم وهو كده وإذا كان عجبك
اني قافلها ومش قابل غير بحاجة واحدة بس
وبالقرار الي في دماغي بس
وهل وأنا قافل الموضوع
ده واقعي!
ولا أنا الي عامل إلزام لنفسي أو للشخص الي قدامي بحاجة أنا غير مُلزم بيها أو هو غير مُلزم بيها!
🟤 لو بتبص للمشكلة دي كأنها ماتخصكش
وحد غالي عليك بيحكيهالك
كان ايه أفضل نصيحة هتقدر تقدمهاله؟!
عشان تبني قرار صح لازم تملى الفراغات اللي بين الطوب اللي بتبني على أساسه القرار
