٢٠سبب للطلاق
5 أسباب مرتبطة بسوء التواصل
🔹صعوبة التواصل
كل طرف عايش مع نفسه مفيش لغة حوار لما بنمر بمشكلة معندناش طريقة نعرف نقعد فيها ونتحاور بأسلوب محترم ومناسب نوصل بيه لحل
التواصل هو أهم صله بين الطرفين لو فُقد يبقى خلاص ربطه أساسيه جدا فُقدت
الحل
think it say it
لما احس ان مراتي ست كويسه اقولها
لما احس ان جوزي راجل كريم اقوله
الفكرة لما تيجي في دماغي اترجمها بالكلمات
لما يكون عندي احتياج اتعلم اعبر عنه
ولما يكون في مشكلة نكون عارفين أفضل اسلوب نستخدمه مع بعض نحل بيه المشكلة الي بينا
🔹العلاقة الحميمة
من أكبر الأسباب الي بتكون عاملة زي البركان الخامد الي لو صبرنا عليه ومعرفناش نطفيه هيجي وقت وهيثور و ويوقع البيت كله
العلاقة الحميمة مش مجرد تعامل جسدي او افراغ شهوة ليها أبعاد تانيه كتير
وعدم اشباعها بشكل مريح لكلا الطرفين هيؤدي للطلاق في النهاية
لو مفيش تواصل بين الزوجين علي الكم و الكيف في العلاقة الحميمية لو مبنتكلمش فيها تحت بند الإحراج او ان اصلا مبتعرفوش تتحاوروا في العادي فمش قادرين تتحوروا فده
او طرف عارف وفاهم احتياج الطرف التاني ومقرر يتجاهله كانه ميعرفش بالقصد
فدي كارثه بتؤدي للطلاق وحتي لما بيطلقوا بيبقوا محرجين يصرحوا بده
الحل
لازم يكون في مُصارحة ولغة حوار في الكم والكيف في العلاقة
🔹تجاهل الحاجات الصغيرة
انه قالك انه عاوزك تهتمي بنفسك شوية
او انك قولتي انك محتاجة تسمعي كلمة شكرا او تسلم ايديك
اظهرنا احتياج معين بالتصريح وبالتلميح أكتر من مرة وتجاهل الطرف التاني له
ده بيبقي عامل زي كورة التلج لو لحيقناها وهي صغيرة هتتعالج وتسيح وخلاص
لو كبرت وسبتيها خلاص هتعمل جدران ومسافات كبيره جداً هيبقي صعب قوي نحلها
الحل
الإنتباه للحاجات الصغيرة الي ممكن تكون من وجهة نظرنا تافهه او مش مهمه او مكسلين نعملها
ونهتم بيها
نُظهر ما يكفي من الاهتمام والاحترام لاي احتياج عند الطرف التاني
🔹الخلفيات الثقافيه والاجتماعية
الراجل والست مختلفين عن بعض تماما
في احتياجاتهم وتفكيرهم وتكوينهم
كذلك هما الاتنين
من بيئة مختلفه طريقة تربية مختلفة وتوجهات مختلفة
فعشان يقدروا يكملوا في علاقة محتاجين كل يوم نبذل مجهود ويكون في استثمار من الطرفين
لو كل واحد اقف في مكانه عاوز التاني يتغير ويعمل الي هو عاوزه او الي هو اتربى عليه بغض النظر عن ده مريح للطرف التاني ولا لا طبيعي يحصل اختلاف وطلاق
الحل
تقبل وجود اختلافات بين الطرفين
مُحاولة وجود أرضية مشتركة مريحة لكلا الطرفين
بذل مجهود في فهم واسعاد الطرف التاني بافعال يوميه
🔹الزهد في الطرف التاني
مش حباه مش قبلاه مش شايفه حاجة فيه حلوه
فببقي فقدت شغفي بالطرف الاخر
حتي لو عمل حاجة حلوه انا مش بتاثر بيها
الحل
ناخد قرار بالمصارحه ويكون في أسلوب محترم وفترة في تقيم مشاعركوا ونفسكوا
٥ أساليب مُسيئة في التعاملات
تصل بالعلاقة للطلاق
🔸التعدي اللفظي والجسدي
ضرب و شتيمة في تجاوز باي شكل من الاشكال
أمراض نفسية غير معلنه بيتم ممارستها علي الطرف التاني
ضرب ومد ايد
وبعدين يجي اصالحك بحاجة غالية
لما بتوافق بيساعد علي انه يكرر دايرة الاساءة دي اكتر من مره
الحل
لما يحصل غلط لازم نقف عنده ونشوفله حل
وناخد وعد بعدم تكرار التصرفات دي مره تانيه
🔸التقليل والإزدراء
مشكلة ليها علاقة بالتربية
اننا أحياناً بنختار حد أقل مننا في المستوى المادي أو الإجتماعي
ونبدا نمارس عليه مُدمرات العلاقة نقلل منه ونهينه
ببقي متعمد أو متعمده اني أخد حد أقل مني في المستوي الفكري أو الإجتماعي أو المادي
علشان أمارس عليه الأسلوب ده
🔸الغيرة
عنده احساس بعدم الامان في كذا اتجاه
فعلي أساسه بيسيطر علي الطرف الاخر
حد غيور جدا ومسيطر جدا بيبقي حاسس انك بتاعي أو بتاعتي
الحل
ان الطرف ده لازم يلجأ لكوتش أو طبيب او يحاول يزود من وعيه الذاتي
ويشوف حلول للوضع ده
ويقلل من الغيرة والعيوب الي بيتم إسقاطها علي الطرف التاني فعلي اساسه يطلب الطلاق
🔸الإدمان
ان الزوج يبقي مدمن مواقع ابحايه
أو مدمن مخدرات ترمادول
ان الزوجة تبقي مدمنة ادوية اكتئاب
بقينا بنستسهل عشان اتجنب الالم بناخد ادوية للاكتئاب مضادات للرهاب الاجتماعي من غير ما ألجأ لطبيب
الحل
احاول اني أصلح من نفسي واخد خطوات بالحلول عشان لما اوصل لقرار الطلاق ابقي عملت الي عليا
🔸الثقه
هي عمود أساسي بيقوم عليه البيت
فلو العمود ده مش موجود
مهما كان في حاجات حلوة مش هتتحس ولا هتفرق
هتبقى عملت زي معملتش لان عنصر الثقة مبقاش موجود
٥ تغيرات بتجد على علاقة الزواج ممكن تؤدي للطلاق
🔷الغنى أو الشهره
ان نكون مع بعض في مستوى مادي معين
وبعدين طرف من الاطراف ربنا كرمه واغتني
فبدأ الأسلوب يتغير والدنيا تتغير
أو هي بدأت تشتهر فلما اتشهرت بدأت يكون ليها معجبين أو بدأت تتعامل معاه بشكل مختلف
في حاجة جدت علي حياة حد فيهم خلت الطرف التاني ميتقبلش الوضع ويتخنق فبيشوف ان الطلاق هو الحل
🔷الخيانة
ان طرف من الطرافين يبدأ يحب حد تاني غير شريكه سواء حب قديم ورجع ظهر في حياته أو حد جديد أتعرف عليه
الحل المُصارحه
🔷الفلوس
ان دخله المادي قليل وهي بتضغط في الجانب ده
محتاجين نسأل نفسنا
▪️هل أنتِ اتفاحاتي انه دخله قليل؟!
▪️هل انتِ طلباتك منطقيه في حدود امكانياته؟!
ولا انا بصه للناس الي حواليه وعاوزة اكون زيهم 🤔
▪️هل هو بيبذل أحسن حاجة عنده ولا مستخسر؟
▪️هل انا بشارك معاه لو انا عاوزة مستوي أعلى من الي هو قادر يقدمه ولا لا؟
▪️هل هو داير في ساقيه بيحاول يلبي طلباتنا
فأنا بشتكي من كل الحاجات دي ان هو مش موجود وانه مبيقوليش ومبيعمليش 😒
بس هو عشان يلبي الجانب المادي مش موجود؟
🔷الأصحاب
الصحبه لو مش كويسه ممكن تنتهي بان الزوج يتجوز صاحبتها و يقولها أنتِ الي قربتيها مني
أو إن الزوج صاحبه موجود دايما في البيت
فالزوجه غصب عنها شافت عيوب زوجها مميزات عند صاحبه
أو هو لما بيقعد مع أصحابه أو هي تقعد مع اصحابهم بيقوموهم علي بعض
🔷الإجبار
انك تحسي
انك مُجبره أو يحس إنه محبر علي حاجة
زي ما الراجل يقرر فجأه يتجور وهي تضطر تستحمل وتحبر نفسها
أو ان الست فارضه عليه حد معين في حياته
الحل
ان يكون من البداية عندي رؤية أنا عاوز ايه من شريك حياتي
متوقعه منه يتقبل ايه وميتقبلش ايه وأنا من البداية لو قبلت حاجة هقبلها بعيوبها قبل مميزاتها
٥ أسباب ناتجة عن قلة الوعي بالذات أو بشريك الحياة ممكن تؤدي للطلاق
🔶 قلة تقدير لمسؤولية الجواز
الجواز بالنسبالها فرح وفستان الفرح و هقعد أنا وحبيبي في بيت واحد
هي دي مسؤولية الجواز
أو انه وصل لسن الزواج وعايز يتجوز الي بيحبها و بس
الحل
فهم و قراءة أكتر عن الزواج واحتياجات كل طرف
ترشيح كورس موده علي منصة المنتور
🔶 taken some one for granted
من امن العقاب اساء الأدب
أنا عارف انها طيبه
أو أنا عارفه إنه بيحبني
فمببذلش اي مجهود استثمار مني في العلاقه دي بفضل كده لحد ما الطرف التاني يثور ثوره فظيعه
فببقي مصدومة ومش عاوزه اخسره أو مش عاوز يخسرها ومش عارف يعمل ايه
الحل
اني أبادر علطول بالأفعال الطيبة
ابعت مسج اقول كلمة حلوه
اقابل دايماً بابتسامة
لو متخانقين اقول انا جايه اصالحك برغم ان انت ال غلطان عشان ميهونش علي زعلك ومش حابة نفضل زعلانين
دايما ابقى واخده مبادرة كويسه من عندي
عشان أستعبد فكرة اني واخدة الطرف التاني
For granted
🔶 الاستحقاق و التعالي
ببقي فاهمه ان مفيش مني وتحمدي ربنا اني اتجوزتك
وانت متعرفش انت واخد بنت مين
انت كنت تطول تاخد واحده زي بجمالي وأخلاقي
الحل
اني ابص بمنظور الطرف الاخر
أدرك اني يشر في عيوب زي ما في مميزات
وطلاما قبلت بالعلاقة دي وارتضتها يبقى نحترم الطرف التاني ككيان
🔶 التوقعات
انا بتجوز عشان عايز واحده زي مامتي
أو عايز واحده زي مراة عمي
راسم توقعات معينه في دماغي ممكن تكون مختلفه عن الطرف التاني
او أنا عايزة واحد زي بابا
فانا راسمه صوره وبحاسب عليها الطرف التاني وهو اصلا مش فاهم انت زعلان ليه
إظهار المحاسن بس في بداية العلاقة والتجمل
فالطرف التاني
الحل
تعامل الي قدامك بمُعطياته وبشخصيته
متحسبهوش علي صورة ذهنيه انت راسمهالي في دماغك أنا معرفهاش
تعاملني ببشريتي ومتتوقعش ان أنا ملاك
🔶اختلاف الاحتياجات
كل سن له احتياجات مختلفه
عند الراجل وعند الست
فلو متفهمتش ان الاحتياجات بتختلف وعدينا المرحلة دي مع بعض بدعم وبحب
فبنحس انه لا انت كنت فين وانا بمر بازمة او بحاجة وعلى اساسه بندي نفسنا مبرر اننا منكملش
