المقالات

لو بنغلط الغلطة دي إليكم الحل   

تفتكر احساسك هيكون ايه لو كنت تعبان جدا ومصدع وحد ادالك حباية وقالك لو خدتها هترتاح 

غالبا بعد ما تاخد الحباية دي بفترة بسيطة

 لو أتسألت ها في تحسن؟! هيكون الإجابة اه أحسن كتير ☺️

تخيل ان الحباية دي ممكن تكون مش مسكن أصلا ومع ذلك ريحتك 👏

طب ازاي بقي! 

ده بسبب نظرية لطيفة

في علم النفس الإيجابي اسمها

Placebo effect

فلما بنركز وعينا علي ان هيحصل حاجة كويسة أو إيجابية بتحصل فعلاً وبنلاقي حاجات تخدم علي تنفيذها.. 

عكسها بالظبط حاجة اسمها 

Nocebo effect

لو اتوصفلك دوا واتقالك انه له أعراض جانبية قوية جداً 

هتلاقي نفسك بتحس بكل الأعراض دي بمجرد ما تاخد الدوا مع ان ممكن الأعراض الجانبية دي بتظهر في نسبة نادرة جداً من الناس  أو مابتظرهش أصلاً

لكن لانك توقعت انها هتحصلك 

فبتحصل وبتعيشها.. 

دي نفس الفكرة الي بنعشها في حياتنا اليومية 

متوقعه حاجة وحشه هتحصل

متوقعه ان السنه دي مش هتبقي أحسن حاجة

متوقعه ان الحد ده مش كويس  

هنلاقي الي بتفكر فيه.. 

احنا بنحصد توقعاتنا وأفكارنا 

ناحية الحياة والناس.. 

محتاج تصدق جوه عقلك في الحاجات الإيجابية وتفكر فيها وتركز عليها 🤍 

بالوقت هتلاقي جسمك بيتفاعل مع الفكرة الإيجابية اللي أنت مصدق فيها

يعني هتبدأ تتصرف تصرفات احسن تخدمك ناتجة من احساسك وأفكارك الإيجابية ناحية مُحيطك ونفسك وأحلامك 

فعلى اساسه كل حاجة حواليك هتتغير للأحسن واحدة واحدة.. 👏

المشكلة مش في الدنيا في العين الي بتشوف بيها الدنيا.. 

التفاؤل يفتح لك كل يوم أفاق جديدة أفضل وأنقى و أجمل 🤍