حالة فقدان الشغف في الحياة
حالة فقدان الشغف في الحياة
الشغف هو الحاجة الي بتخلينا قادرين نأدّي سواء في الشغل أو في الحب أو الحياة
فقدان الشغف بتبقى حاجة نفسيا مش كويسه
ليها مراحل
📍انسحاب اجتماعي
مش قادر تكلم حد و لا تشوف حد
ممكن تبقى حالة مؤقته بس لو طولت يبقى في مشكلة
📍 اللامبالاة
مش فارق معاك مين يروح ولا مين يجي ولا مين موجود ولا مين بعد
📍احساس بالفراغ
كإن عقلك فاضي ومابتفكرش
وكإن الجسم كله في حالة من الخواء
📍 احساس الحطّه
لما بتقعد أو لما بتنام مش بتكون مرتاح لا كإنك مرمي كده حالة من الكسل بس معاها شعور بالعجز
📍 استعداد نفسي للموت
شعور دائم بإنك مش عايز تعيش خلاص
المشكلة هنا إن الموت نفسي المنشأ
لو ده مبينطبقش علينا ممكن نكون بنمر بمرحلة
The dark night of the soul 🌑
هي عبارة عن نقله في الوعي حالة بتيجي لحد بيحب يتعلم و يدرس
فلما بيتنقل من مرحلة لمرحلة في الوعي دي بتعمله حالة عدم اتزان..
كإنه بيخرج من مكان أمن لغابة مُظلمه..
هو ماشي الدنيا ضلمه مش شايف اي حاجة بس لازم يفضل مكمل..
وبيحس في الوقت ده اه طب وبعدين!
وبعد ما حقق نجاح!
طب وبعدين برده هيحصل ايه!
بيبقى عنده حالة حاطة نفسية وتوهان شديد..
ايا كان بقى الحالة الي احنا فيها دي أو دي
هنقول 11 حل للخروج منهم
⏹️ هون علي نفسك
قول لنفسك ان القصة مش مستاهله كل ده
⏹️ خليك متأكد ان النور جاي جاي
واللي جاي طلاما هو بأمر ربنا فهو أكيد خير
⏹️ بعض الأشياء البسيطة بتجدد فينا الرغبة في الحياة
ممكن يكون طفل صغير يعني أنا لما والدي توفاه الله ربنا رزق في الأسرة بمولود جديد فكان فيه السلوى
فدايما بيبقي في حاجة بسيطة موجودة بس احنا بس نركز إن هي عوض من ربنا ونحط تركيزنا فيها هنلاقي نفسنا طلعنا من الحالة دي واحدة واحدة
⏹️ الحاجة الي احنا مُستبعدينها ممكن يكون هي اللي فيها الحل
مثلًا قراءة سورة البقرة يوميًإ بنية ممكن نكون مُستبعدين ده وهو ده اللي فيه الحل
⏹️ نستبدل أحاديث النفسية السلبية بأحادث إيجابية
كلنا نفسنا بتميل لاحاديث النفسيه السلبية واننا دايماً خايفين من بكرة واللي هيحصل فيه
طب ما تخلي تركيزك علي انهاردة وحاول تعيشه بجودة وراحة
وتقول لنفسك كلام كويس إنك تقدر تفكر كويس وتقوّم نفسك وتعدي الموقف ده على خير
⏹️ كون نفسك ماتحاولش تقلد حد
أنت مش في منافسه مع حد ولا حياتك شبه حياة حد ولاينفع تعيش حياة حد تاني غير نفسك
فحاول تعشها صح من غير ما تحط نفسك في مقارنات بتأذي بيها نفسك
⏹️ خلي أحلامك واقعيه
كل يوم اتعلم حاجة أو خد خطوة بسيطة ناحية حلمك بشكل قابل للتطبيق
⏹️ الصبر
نصبر شوية ونخلينا واثقين إنها هتعدي
⏹️ عدم التعلق بالدنيا
فقدان الشغف في الحياة بيحصل من تعلقنا بالأمور المادية والدنيويه
فحاول تاخد خطوات أكتر لتقوية صلتك وعلاقتك بربنا وتجديد النية في اي موقف أو تصرف بنعمله
⏹️ الامتنان
"وقليل من عبادي الشكور"
الامتنان و الشكر أداة مهمه جدًا بتساعدنا نعيش حياتنا بجودة وراحة
⏹️ الدعاء
ندعي دايمًا دعاء الرسول
" اللهم اني أعوذ بك من الهم والحزن..."
لو عملنا الحاجات دي كإنها واجب يومي لمدة أسبوع هتحسوا إنكوا بدأتوا تطلعوا واحدة واحدة من حالة فقدان الشغف
وتَطيبُ الحياةُ لك عندما تبتسم في وجهِ كُل ما يُحزنك
