المقالات

أتألم و لا أتكلم
"وتطيبُ الحياة لمن لا يبالي "

لو حد حاولينا بقي حزين مؤخرا تعبان ومُثقل أو احنا نفسنا بنمر بالحالة دي ممكن يكون بسبب انه
🔸حصله تروما أو حاجة أتسببتله في ألم مؤخراً اتصدم في حد أو أكتشف حاجة 

مش قادر يتكلم فيها عشان لو اتكلم فيها هتبقي مشكله أو هتكون ليها عواقب أسوء..

فعلى أساسه بيعمل حاجز غير مرئي بينه و بين المقربين منه
الحاجز ده بيعمله ازاي!

💢  بيشغل نفسه عنك علطول (بيشغل دماغه و بيشغل نفسه مشاوير)
هو بيحاول طول الوقت يشغل نفسه على المستوى العقلي و الجسدي
↩️ ليه بيعمل كده؟
عشان مش عايز يفكر
في حاجة مخلياه تعبان جداً
ممكن يكون بيشغل نفسه بحاجات مفيده بس وهو مُثقل (أتألم و لا أتكلم)
#الحل
انه يبدأ يواجه المشاعر دي و يفعلها و يكتبها
مهم ان يحصل تفريغ للمشاعر مع حد بيحبه أو لوحده بالكتابه

💢 هيبدأ يعزل نفسه عن الناس المُقربين
مُتعمد انه يبعد عن أقرب الناس له
لانه بيكون حاسس انه مش عاوز يثقل عليهم بمشاعره
أو مش عايز حد يتكلم معاه في الألم اللي هو بيمر بيه
#الحل
اننا نقول للشخص ده اننا موجودين
وإننا نيتنا له خير حتى لو اساءنا التصرف

ولو كنت أنت الي بتمر بده فمهم تقول لنفسك إن الناس المُقربين ليك نيتهم خير حتى لو اساءوا التصرف

💢 تغير في الشخصية
بتقوله علطول مالك و الإجابة دايماً مفيش..
بيتلكك و بيقف علي الوحدة و بيتعصب بسرعه
في ألم جواه وهو مش عايز يظهره ولا يتكلم فيه فعلى أساسه بيبقي عدواني في ردوده
وبتبقى ردوده
يوووه هو كل شويه مالك مالك ما قولت مفيش

فهيرجع ينعزل عن اللي حواليه
أو هيحس انه ضايق اللي حواليه
فهيروح للمرحلة اللي بعدها

💢 ادعاء السعادة
بيمثل بزيادة إنه مبسوط وبيبقى باين للي حواليه إنه بيمثل و إنه مش مبسوط
#الحل
اننا نفهم انه عادي اننا نكون في وقت مش كويسين
عادي اننا نحس بالألم او بالحزن أو بالخزي
ومن حقنا نعيش المشاعر دي ونفعلها

إنك تتحايل علي المشاعر دي وتكتمها أو تظهر عكسها ده بيخلي الدنيا تبقى اسوء

💢 تجنب التجمعات العائلية المهمه
واللي في العادي مينفعش مايحضرهاش
بيبقي الأسهل انهم يقولوا انه مارحش وانه رفض يتجمع معاهم علي انه يروح و يبقى بونبوناية القاعدة
#الحل
انه يحترم مشاعره ويتقبل انه محتاج ياخد وقت عشان يرجع يستجمع طاقته
ومهم اللي حواليه يتفهموا ده و يتقبلوه..

الإنسان لولا الألم لا يستطيع معرفة حدوده، ولا معرفة نفسه..
لكن لا تجعل الألم يتأكلك حتى يأكلك ويجعلك جسدا بلا روح..