المقالات

يحبوك علي ايه؟!

كلنا عندنا احتياج اننا نحب ونتحب 

نكون علاقات جديدة مُفرحة 

ناس نطمأن في صُحبتهم ويكون عون في الطريق 

بس دائماً الي بيعطلنا اننا مش بنكون عارفين نعمل ده ازاي 

او نكون بنتصرف بشكل يخلي الي حوالينا بدل ما ياخدوا خطوة ناحيتنا ياخدوا خطوة بعيد عننا..

الاسم♥️

أول حاجة لازم نبقي فاهمين ان كل الناس اسمهم غالي عليهم جداً حتي او مش منتبهين لده 

مهم نناديهم باسمهم أو باسم الدلع الي هما بيفضلوه 

سيدنا عمر ابن الخطاب قال

ثلاث يصفين لك من ود أخيك: أن تسلم عليه إذا لقيت، وتوسع له في المجلس، وتدعوه بأحب أسمائه إليه 

   التلطف♥️

لما نشوف حد ونسلم عليه نركز علي الحلو الي فيه ونقوله الناس تحب انها تحس انها في عيون الناس حلوه 

سواء بمدح في المظهر الخارجي او في اي صفه حلوه فيه

﴿وَقُولُوا لِلنَّاسِ حُسْنًا﴾، 

♥️لو حصل وسمعنا الطرف التاني بتكلم عن شخص بشكل مش كويس أو كنا لي قاعدة في حد بيتكلم عن شخص بشكل مش كويس 

نرد غيبة الشخص الغايب ونحاول نلاقيله العذر 

ده بيدي انطباع للطرف التاني باني شخص أمين ومؤتمن وبيزود رصيد الراحة و الثقة 

عدم الكمال♥️                                               

بلاش نتعامل بمبدأ اني شخص كامل وبتعامل بشكل منتظر فيه الكمال من الطرف التاني 

لازم كل حاجة تتعمل بأفضل شكل ولو نقص ولو حته صغيره بضايق او بعتبر الحاجة كإنها ماحصلتش

لان ده بيخوف الناس وبيديهم انطباع انه صعب يقربوا منك وانهم مش هيكون كافين أبداً في العلاقة دي مهما بذلوا من مجهود

شعور عدم الكفاية قادر يخلي الشخص يبعد عن اي علاقة 

وشعور السهولة والبساطة قادر يكون أقوى العلاقات 

كونوا ملاذ اللطف للعالم 

رحم الله كل هين لين سهل قريب من الناس♥️