المقالات

حيلة نفسية تعززها بنية.. 

عمرنا ما هنعرف نوقف الكلام اللي حوالينا عننا أو عن الناس لكن نقدر نكون مش طرف مشارك فيه 

ولو هنشارك فنتكلم بالخير مش بالشر 

يومياً هنسمع كلام عن ناس وهنتحط في موقف ان يكون الشخص اللي عليه الكلام حد في الأصل تعبنا أو أذانا

في الموقف ده اننا نمنع نفسنا عن اننا نشارك في الكلام ده بيبقى محتاج مننا مُجاهدة جامدة جداً 

الغيبة والنميمة من ألذ الحاجات لإنها بتحسسك إنك أحسن من الشخص اللي بتتكلم عليه وعشان كده هي من أكبر المحرمات والامتناع عنها أصعب ما يكون.. 

عشان كده مهم جداً تفعيل النية عشان تعينا نقدر نستمر.. 

الحيلة ان لم يجي سيرة حد قدامك رد غيبته بصفه حلو تكون فيه مثلاً.. 

بحس انه طيب

بحس انه صادق جداً

اللي بيسمعك بيفترض علطول ان انت فيك نفس الصفات اللي قولتها في الشخص ده 

والعكس بالعكس 

لو اتكلمت على حد لما بتبيجي سيرته بشكل سلبي فالشخص ده ببفترض برده انك بتقول عليه هو كمان نفس الكلام او انك فيك نفس الصفات السلبية اللي قولتها عن الشخص ده.. 

لو قدرت تمسك لسانك عن الكلام على الناس هيفرق معاك في بقية حياتك وهتبقى شخص مش بيقول أي كلام مش هبتقى شخص بيتكلم عشان يتكلم، الكلمة اللي بتقولها هيبقى ليها وزن وغرض.

وكل ده هيفرق بشكل مباشر في ثقتك في نفسك.

وفي إحترامك لنفسك و في إحترام الناس ليك.. 

كرروا دايماً دعاء 

" اللهم اجعل كتابي في عليين و احفظ لساني عن العالمين " 

بتعملوا ايه يومياً عشان تحموا نفسكوا من الغيبة والنميمة؟