المقالات

السبب الأساسي اننا نخسر علاقات؟ 

أسئلة كتير عن ان كل ما أدخل في علاقة مشمولة ومش تعرف السبب ايه؟ 

مثلث الرعب في العلاقات📐

في الحياة في ناس بتعيش 3 أدوار جواها نفسيا ملهاش علاقة خالص بالناس اللي حواليها

فلو لقيت نفسك ال 3 أدوار دول بيوصفوا أسلوبك في التعامل في علاقاتك 

يبقى محتاج تدرك ان دي مشكله وتاخد للخروج من المثلث ده .. 

⚡️دور الضحية : اللي متداس عليها وبتشتكي طول الوقت من الناس والظروف 🤷🏻‍♀️

⚡دور المنقذ : اللي بيقوم في علاقاته و دور الي حواليه و بيعملهم اللي المفروض هما يعملوه 

(الشمعة التي تحترق من أجل الأخرين) 

⚡دور الغاضب : اللي شايف انه مش هيسكت لحد وخافوا مني بقى 😠 

اللي عايش مثلث الرعب في علاقاته بيتحرك بين ال 3 أدوار 

سواء كانت علاقة هيدخلها أو مع أصحابه أو علاقة هيدخلها هيلعب نفس الأدوار 

الناس الي كنت مجمعهم حواليك لما كنت عايش

↩️ في دور الضحية لما دخلت في دور الغضب بدأو يلوموا عليك 

_لا بس مكنش يصح تتكلم كده ولا تتصرف بالشكل ده.. 

🔄 فلما الشخص الغاضب يحس انه فعلا غلط يرجع يروح تاني في دور الضحية 

ويحاول يلاقي مبررات لتصرفه 

◀ ️او يروح لدور المنقذ اللي هيجي علي نفسه عشان الدنيا تكمل وتمشي 

#الحل 

✔️ دور الضحية

لو حاسس طول الوقت ان الناس دايسه عليك ومش عارف تعمل ايه 

◾ لازم تتحول من دور الضحيه لدور #الناجي 

انك تنجوا بنفسك على المستوى النفسي والعقلي 

لو مكنتش انت تنجو بنفسك محدش هيساعدك 

أسال نفسك 

☑️  هو أنت عايز ايه من لعب الدور ده؟ 

☑️ لما الناس هتتعاطف معاك وانت في الدور الضحيه ايه المكسب اللي وصلتله؟! 

◾ممارسة الإمتنان

ايه الحاجات والنعم في حياتك الي بتتعامل علي انها حاجة عاديه وابدأ انتبه ليها وخد بالك منها وأحمد ربنا عليها

ممارسة الإمتنان بتخليك تبعد كتير عن دور الشكوى والضحية اللي حاصر نفسك فيه 

◾اكتب المشكله اللي في دماغك واللي علي أساسها أنت عايش دور الضحية 

تفربغ المشكله علي ورق بيهون كتير من مشاعرها و بينور أبعاد كتير فيها

وأسأل نفسك ايه الخطوات عشان تطلع من المشكله دي؟ 

✔️ دور المنقذ 

◽محتاج تستبدل الدور من دور المُضحي لدور الشخص اللي بيسهل على اللي قدامه

◽تقدم للناس الدعم بإنك تسمعهم لان أساس أغلب المشكلات في العلاقات عدم التفهم وان كل واحد شايف ان الحقيقة والصح عنده هو بس الناس وانه صح وباقي الناس غلط

☑️مهم تسمع بدون حكم وتسمع لأجل التفهم

☑️بتقدم نصايح عشان تساعد اللي حواليك يلاقوا حلول تناسبهم وتسهل عليهم الدنيا 

فهتستبدل بإنك الشمعة التي تخترق من أجل الأخرين و إنك بتقوم بكل حاجة بنفسك وبتحل للناس مشاكلهم 🔄 ونستبدله بالدعم والمساعدة 

✔️ دور الغاضب

دور الشخص اللي بيلوم و بيعاير

عشان هو خلاص ساب دور الضحية وخلاص معتش هيقدم حاجة لحد عشان الناس مابتقدرش

فبيروح لدور اللوم والمعايرة 

# الحل عشان تخرج منه 

🔹انك تكون مثالاً بأخلاقك قدوة حد بيتعامل بإحسان لأجل الإحسان

تخطي حدود واضحة لنفسك في التعامل

مينفعش تكون مش حاطط حدود أصلاً وفجأه تغضب و تقول لا وأنا مش هسكت وأنت من الأساس اللي سمحت بالتعدي عليك عشان ماوضحتش حدودك البداية 

🔹لو حصل تجاوز باي شكل خليك

حازم لكن عادل⚡

وضح انك مضايق بس خليك عادل في انك

وان مش معنى انك متضايق انك تعلم على اللي قدامك وتضايقه وتقلل منه

فبدل ما كان متداس عليك في دور الضحية بقت انت الي بتدوس علي الناس في الدور ده 

قل ما تقصده دون أن تقصد

قول اللي جواك من الي قدامك وتهينه

من غير ما تبقى قدامه حد مرعب وبيبهدل الدنيا 

لو قدرت تخرج من ال 3 أدوار ده هتقدر تخرج بعلاقاتك من اطار العلاقات الغير صحية

لانك تكون في علاقات صحية و مريحة 

النضج مؤلم ، التغيير مؤلم ، لكن لا شيء مؤلم كالبقاء عالقًا في مكان لا تنتمي له.