ازاي يكون عندك رد فعل إيجابي للأحداث؟
لا تخشى دُنياك إنَّ الله كافِلُها.🤍
ازاي يكون عندك رد فعل إيجابي للأحداث اللي بتمر بيها وتخفف حِدة التوتر والقلق؟!
السلاح الفعال ضد التوتر والضغط ان يكون عندنك القدره انك تختار الفكرة اللي بتفكر فيها أو الحاجة اللي هتعملها
يعني ببساطة "اختار معاركك"
14 طريقة بتساعدك تكون أكثر إيجابية في التعامل مع منعطفات الحياة 👌🤍
⚡ شتت الفكرة
اتفرج علي فيلم أو حاجة مُفيدة تشغلك وتديك شعور مُريح
⚡ ركز علي الإيجابيات
نص الكوبايه المليان
المنحة في المحنة ✨
⚡ قضي وقت مع أهلك وأولادك
وقت بجودة حقيقية من غير ما تكون ماسك الموبيل أو قاعد معاهم بجسمك بس عقلك وروحك مش حاضرين
⚡ اسمع حاجة تهديك وتريحك (قرآن-موسيقى هادية)
⚡ اعمل مجهود بدني رياضه أو أتمشى
⚡ القراءة
حتى لو مش بتحب تقرأ مهم تجرب في مواضيع مختلفة لحد ما تلاقي نفسك اتسحبت في الكتاب..
⚡ قلل سقف التوقعات
خليك واقعي أكتر في افتراضاتك ناحية الحياة والناس والمواقف اللي أنت فيها حسب المعطيات اللي قدامك
عشان رفع سقف التوقعات مش هيأذي حد قدك
⚡تجنب الشخصيات اللي بتسببلك ضغط وتوتر
الناس الي بتحس انها بتشفط طاقتك أوبتصدرلك طاقة سلبية كل ما تقابلهم حاول تتجنهم قدر المستطاع
⚡ اتعلم مهارة جديدة أو فعل هواياتك
يعني مثلا اتعلم تسوق عجله أو تعزف جيتار
لو متعلم بالفعل ابدأ مارس ده 🚶🏻♀️
⚡ shopping
للناس اللي بتحب ده طبعا بيفرق معاها و بيقلل التوتر جداً
بعيداً عن انه بيخلق توتر جديد 😁
⚡نام وارتاح أكتر
جسمك طول ما هو مشدود وتعبان بيخلي عقلك كمان عايش في ضغط وتوتر أكتر
⚡ العب مع أولادك
رغم ان الخطوة دي ممكن ناس كتير تستصعبها إلا انها من أكتر الخطوات اللي ليها فاعلية عالية جدا في تقليل حدة الضغط والتوتر
⚡ استخدم social network
طبعا بلاإفراط ولا تفريط
وحاول تشير حاجات مفيده وتتفاعل مع الناس
⚡ اعمل حاجة ليها علاقة بالروحانيات
كل ما له علاقة بالصلة بالله قراءة قرآن وصلاة وذكر
بتطمن القلب وبتهدي الروح و بتزود الشعور بالسكينة والطمأنينه
دع الأيام تفعـل مـا تشـاء وطب نفساً إذا حكم القضـاء ولا تـجزع لحادثـه الليالـي
فما لحوادث الدنيا بقـاء..
