المقالات

لو عندك مصيبة تعمل ايه؟

أنا عايز المصيبة بتاعتي!

الصبر في لحظات الابتلاءات الكبيرة والمواقف الصعبة

وقت الفقد والألم الصبر مش سهل..

خصوصا لو الحكمة غايبة عنك!

لكن التسليم لأقدار الله أكبر مُعين علي الرضا

 يقينك ان ابتلاءك جاي علي مقاسك وعلي قدر تحملك و لنفعك وإجتباءك هيخليك تقول

آه أنا عايز المصيبة بتاعتي..

" لو علمتم الغيب لاخترتم الواقع"

محتاج تفكر نفسك

"وكل ما يصدر عن الله جميل وان كنا لا نرى الجمال في المصيبة" ابن القيم

طبيعي إننا نحزن و مهم إننا نتقبل مشاعرنا

لكن مشاعر الحزن هي مشاعر عدميه تفعيلها زيادة عن اللزوم بيسببلنا مشاكل في الحاضر وفي المستقبل..

ربنا بينزل الابتلاء عشان نتعلم منه حاجة

▪️ محتاج تفتح قلبك عشان تفهم الرسالة

الابتلاءات مش بتيجي عشان ربنا يعذبنا بيها بالعكس 

والفهم و البصيرة مش هتحصل إلا لو كان في وصلة حقيقة مع ربنا..

▪️أعمق حته في قلب كل حد مننا هي في ايد اللي خلقها

فلو عززت المحبة الي بينك و بين ربنا الأكيد انه هيعينك على المصيبة اللي انت فيها..

"مَنْ أَصْلَحَ سَرِيرَتَهُ أَصْلَحَ اللَّهُ عَلَانِيَتَهُ، وَمَنْ أَصْلَحَ مَا بَيْنَهُ وَبَيْنَ اللَّهِ كَفَاهُ اللَّهُ مَا بَيْنَهُ وَبَيْنَ النَّاسِ، وَمَنِ اهْتَمَّ بِأَمْرِ آخِرَتِهِ كَفَاهُ اللَّهُ أَمْرَ دُنْيَاهُ"

▪️ التركيز علي الفقد و الألم مش هياخدك لأي مكان

مهم تسمح لنفسك تعيش مشاعر الفقد بس اديها حجمها

محتاج تركز علي اللي تحت سيطرتك

إياكَ وأن تخاف شيئًا قبل حدوثه.. لا تتخيَّل، واصرف فِكرك وخوفك عن الغيبيات فهي في عِلمِ الله واعلم أنَّ البلاء إذا نزل على العبد ينزل معه اللطف..

"فَعَلِمَ مَا فِي قُلُوبِهِمْ فَأَنزَلَ السَّكِينَةَ عَلَيْهِمْ وَأَثَابَهُمْ فَتْحًا قَرِيبًا"

من أتقن الصبر هانت عليه الحياة...

 أنت بتعتبر نفسك شخص صبور ولا لأ؟

#أنا_ونفسي