المقالات

أعمل إيه لو تعبت من الناس ومش عارفة أتعامل؟! 

"المؤمن الذي يُخالط الناس، ويصبر على أذاهم خير من الذي لا يخالط الناس ولا يصبر على أذاهم"

[صحيح] - [رواه الترمذي وابن ماجه وأحمد] 

🟢 مش بايدنا نغير الناس.. لكن نقدر نقلل المتوقع منهم 

نعاملهم في الله بإحسان بدون انتظار مقابل 

ومانرفعش سقف توقعاتنا في تعاملتنا معاهم

فهنرتاح من مشاعر العشم اللي مش في مكانها 

وشعور الخذلان اللي احنا بنجيبه لنفسنا لما بنحط الناس في مكانات مش بتاعتها أو نعاملهم بسقف توقعات مُرتفع 

🟢 من حق نفسك عليك ماتضيعش وقتك ولا جهدك في سيرة ناس أصلًا تعباك ومش مريحاك 

قلل الوقت والجهد والطاقة اللي بياخدوها منك لما بتديهم حجم كبير من تفكيرك 

ماتديهمش وقت في الكلام عليهم والشكوى من تصرفاتهم اللي مش هتتغير 

أنت ماتملكش إلا زمام نفسك وتفكيرك ووقتك فده اللي تقدر تتحكم فيه 

🟢 استثمر الوقت والجهد والتفكير اللي هيفضي لما تبطل تركز معاهم

واستغله إنك تكون أفضل نسخة منك

كل ما زاد فهمك لذاتك وكنت أكثر قدرة علي تلبية احتياجاتك

هيقل احتياجك للناس أو ضيقك منهم 

"وَدَعْ أَذَاهُمْ وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا"