سرّ السعادة

الامتنان هو وقود كل المشاعر الإيجابية...هو سرّ السعادة !

لإنك ممكن يكون حواليك كل حاجة حلوة بس أنت فاقد إحساسك بيها

 مش حاسس بنِعم ربنا عليك سواء في نفسك، أو حواليك في شغلك أو فلوسك‘

أو في الأشخاص اللي ربنا رزقك بيهم في طريقك رحمة ولطف وسند.

حتى أيامك العادية اللي بتمر وأنت مستور ومُعافى وحواليك أهلك وحبايبك، وروتين يومك اللي بتشوفه عادي وأحيانًا مُمل!

هـ تعرف قد ايه هو نعمة لا تُقدر بثمن؛ لو جالك ابتلاء أو ضيق أو فقد.

شعورك بالامتنان لكل تفاصيل حياتك؛ بـ يملى قلبك رضا و سكينة.

بـ يخلي الأمور الصعبة تعدي على قلبك بوقع أسهل بكتير،

بـ يساعدك تشوف اليسر في كل عسر بتقابله‘

بـ تتعلم تستمتع بكل تفاصيل حياتك، وبتعرف إن الامتنان بيزيد البركة على مستوى علمك وعملك وفلوسك، وكمان على مستوى المشاعر والعلاقات.

"لَئِن شَكَرْتُمْ لَأَزِيدَنَّكُمْ"

"بالشكر تـدوم النِـعم"

بـ تمارسوا الامتنان ازاي في حياتكم يوميًا؟