أفضل طريقة للتحكم في الأفكار السلبية..

كلنا أوقات بيشغلنا شعور أو فكرة سلبية نتيجة حدث أو أحداث حصلت في الماضي

فقد شخص عزيز علي قلبنا أو فشل أو مرض

فكرة بتدور حوالينا ألم بسبب فقد او ابتلاء او حاجة حصلت

بنبقي شايفين ان حياتنا خلاص واقفة عند المكان ده مش هنعرف نكمل من غيرهم مش هنعرف نقف تاني بعد الفشل ده

مش هنقدر نتجاوز الخسارة دي

والنتيجة اننا بيزيد شعورنا السلبي و بتزاحم علينا المشاعر

بنفضل عايشين في الألم الي فات مهما كان حوالينا ناس بنبقي عايشين وسطهم بس مش سامعين ولا شايفين غير وجعنا ومش حاسيين جوانا غير بطعم المرارة من الفقد..

اما لو عايزين نغير ده فلازم نتعلم ندير مشاعرنا نفهمها ونحسها ونقبلها ونعيشها

لما تزورنا مشاعر الفقد او الألم او الخسارة او الفشل

⚫قبول المشاعر

لازم نقبل ان الفقد و الخسارة مش مشاعر

بسيطة و لا سهل تحاوزها و ان طبيعي نتألم لان أكيد الي فُقد مش شخص عادي واكيد ابتلاءنا كبير طلاما بيولد جوانا مشاعر علي فترات

لو كان الفقد هين مكنش ربنا قال في ام موسى بعد ما رمته في اليم

"وأصبح فؤاد ام موسى فارغا"

مكنش سيدنا يعقوب فقد نظره حزنا علي فقد يوسف

"و أبيضت عيناه من الحزن فهو كظيم"

⚫مُعايشة المشاعر

اسمحي لنفسك تعيشي مشاعرك تفرغي كل العياط الي جواكي في اللحظة دي متوقفيهوش او تكتميه

لان كتمانه مش هيعالج حاجة بالعكس و مش بيدل علي القوة خالص

كتم المشاعر بيخزنها جواكِ فتفضلي قلبك علطول مليان حزن وروحك تقيله و جواكِ شعور بالغربة في كل مكان

متحرميش نفسك من مشاعر طبيعية ربنا رزقها لك

ربنا زي ما خلقنا الحب و الفرح خلق فينا الحزن و الألم

⚫قرار لخطوة جديدة

لو ألمك من فقد فكري نفسك انك هترجعي تقابليهم تاني بس لو ثبتي علي الطريق

انك تحبسي نفسك في دائرة الألم ده مكنش هيسعدهم

أسعي انك تكوني امتداد طيب ليهم

"والذين ءامنوا و اتبعتهم ذريتهم بإيمان ألحقنا بهم ذريتهم و ما ألتناهم من عملهم من شيء"

ولو كان حزنك من فشل فكري نفسك ان ربنا عطاءه يأتي أحيانا في المنع كما هو في المنح

وقد يكون خسارتك الحالية عشان ربنا بيصنعك لحاجة أكبر و أفضل قدام بس أنتِ أسعي و أبدأي خودي خطوة في طريق انك تكوني أفضل

دَعِ الأَيّامَ تَفعَلُ ما تَشاءُ وَطِب نَفساً إِذا حَكَمَ القَضاءُ

وَلا تَجزَع لِحادِثَةِ اللَيالي فَما لِحَوادِثِ الدُنيا بَقاءُ