يا ترى الي حواليه بياخدوا بق مياه عشان يبلعوني
لما حسيت ان الي حواليه بياخدوا بق مياه عشان يبلعوني!
سؤال بيشغلنا هو احنا مُريحين بالنسبة للناس الي في حياتنا
بنقوم بأدوارنا صح ولا مجرد سد خانة
دوري كأم او ابنه او اخت او صاحبة
هل انا إنسانة طيبة في حياتهم؟
كتير بنقف عند السؤال ومبندورلهوش على إجابة.. بنكتفي باننا نسأله لنفسنا كل شوية او نحس بشوية تأنيب ضمير او نحاول ننفيه لتفسنا عشان نرتاح ونسكت
طب ليه متحاوليش تبدأي مواجهه حقيقية مع نفسك
يا ترى انتِ شخصية مُسيطرة في حياة ولادك او زوجك او اخواتك
يا ترى انتِ ممكن أقرب المقربين بيحسوا انك شخصية سامة بس مش بيوجهوكِ بده!
الحل و الإجابة هتلاقيها برده جواكِ
أنتِ أدرى الناس بنفسك
جاوبي إجابات حقيقة محدش مِطلع عليكِ فيها غير نفسك وربك
دوري علي كل تصرف أنت بتعمليه بزيادة
أسئلة ملاحقة بزيادة
فرض رأي او قرارات في كل حاجة
راسمة خطة لكل حاجة حواليكِ وعاوزة الكل يمشي عليها
مبتقبليش الغلطات والهفوات و بتقلبي الدنيا وتعملي مشكلة
ايا كان الي بتعملي بإفراط خودي قرار و حاولي توصلي للوزنة للوسط
ممكن متظبطش منك في البداية لكن طول ما بتسعي تاكدي انك هتوصلي
طب ايه الحاجات الي مبتعمليهاش خالص
كام مرة ممكن يكون أطلب منك تلميح او تصريح حاجات وأنتِ قرارتي تتجاهلي الكلام عشان مش عاوزة تتعبي نفسك في إنك تتعلمي حاجة جديدة عليكِ حتى لو فيها راحة للي بيحبوكِ
🔸ممكن بتنسي تقوليلهم كلام حلو وتشجيع أو بتنسي تعبرلهم عن حبك ليهم
🔸ممكن تكوني بتنسي تحضني ولادك او أمك
🔸ممكن تكوني مبتديهمش وقت خاص بيهم معاكِ تسمعيهم فيه بإنصات بدون أحكام أو فرض رأي
الحل
جربي تاخدي خطوة
في اتجاه الحاجات الي مكسلة تعمليها و بتسوفي فيها
وجربي تتعلمي الحاجات الي مش بتعرفي تقدميها
المحاولة بس بتريح وبترضي و بتجبر الخاطر
هي حياة واحدة بنعيشها ومش هيبقالنا منها غير أثر فاسعي أثرك في القلوب يكون طيب ومريح
"لِلَّذينَ أَحسَنُوا الحُسنى وَزِيادَةٌ وَلا يَرهَقُ وُجوهَهُم قَتَرٌ وَلا ذِلَّةٌ أُولـئِكَ أَصحابُ الجَنَّةِ هُم فيها خالِدونَ"
