اسرع حل لاي مشكلة بتقابلك
أسرع حلّ لأي مشكلة بتقابلك
"لا كرب ولنا ربّ "
أول ما بنتعرض لمشكلة بينا وبين شخص أو ابتلاء
بنجري ندور علي الناس اللي بنحبهم عشان نحكلهم ونشكلهم
وبعد كلام كتير وشكوى أكتر
بنلاقي نفسنا لسه عند نقطة الصفر مفيش حاجة اتغيرت في مشكلتنا
"بنأوي الى طين "
طين يأوي الى طين
مستني ايه يتغير!
لما نزلت آيات سورة المجادلة
"قد سَمِعَ الله قَوْلَ التي تُجادلُكَ في زَوجِها وتَشتَكِي إلى الله"
هنا خُلاصة المشكلة وحلّها
لما لجأت للرسول لجأتله كسبب مش كغاية
كشخص ممكن تاخد منه رأي وحكمة
بس قلبها عند ربنا عارفة ومُدركة إن اللي في ايده أمرّها كله ربّنا فقط
فلما أنت كمان تتحط في ابتلاء أوأزمة خلّي وجهتك عند ربنا بيقين
خلّي قلبك متعلق بالله
ولو حابب تطبق" ما خاب من استخار ولا ندم من استشار"
اختار شخص ذو ثقة وحكمة
وأنت بقلبك وعقلك مُدرك إنه سعيّ في الحلّ
لكن الحلّ في ايد ربّنا بس
"وَإِن يَمْسَسْكَ اللّهُ بِضُرٍّ فَلاَ كَاشِفَ لَهُ إِلاَّ هُوَ وَإِن يُرِدْكَ بِخَيْرٍ فَلاَ رَآدَّ لِفَضْلِهِ يُصَيبُ بِهِ مَن يَشَاءُ مِنْ عِبَادِهِ وَهُوَ الْغَفُورُ الرَّحِيمُ"
