النصيحة الوحيدة و المهمة في العلاقات

أكتر حاجة اتعلمتها في العلاقات الإجتماعية بكل أنواعها 

ان الإحترام هو إللى بيطول عمر العلاقة

الإحترام أهم من المحبة

والمحبة تأتي بعد الإحترام

 ممكن نفقد المحبة في الطريق لكن لو الاحترام منهجي في العلاقات

 عمري ما هفقد الإحترام

بل ممكن يكون وجود الإحترام كعمود أساسي قايمة عليه العلاقة سبب كافي ان المحبة ترجع تاني

الإحترام بمفهومه الواسع مش بس  في القول أو الفعل

إنما إحترام أن الشخص ده  له حياة ذاتيّة ووقت واهتمامات ومشاعر  وقرارات ورأي ممكن يكون مختلف عنك

والطريقة الوحيدة الي بيها أكون متأكده اني مش هفقد الإحترام في علاقاتي

اني أحترم نفسي أولاً

أفهم نفسي و أعرف احتياجاتي وحدودي

ايه الي بيريحني و ايه الي بيضايقني وليه

لو كنت مديه لنفسي القدر الكافي من الإحترام مش هقبل أبداً اي محاولات للتجاوز من الطرف التاني لا علي مستوى المشاعر ولا التعاملات

لو بحترم نفسي بشكل كافي هكون واضحه مع نفسي سواء في مشاعري او افكاري ناحية الطرف التاني

ومن احترامي للطرف التاني هكون واضحة معاه لا بديله رسايل عكس بعضها ولا بخليه في وقت مش فاهم الدنيا ماشيه ازاي ولا بعامله باي شكل في اساءه متعمده

ولا بقبل منه يعمل ده معايا

المُحترم مُريح ومرتاح و آمن ومؤتمن في أقواله و أفعاله...