أنا لا أستحق
أنا لا أستحق
شعور عدم الاستحقاق من المشاعر الي بتهدم اي شخص بيحس بيها
بتخليه عايش طول الوقت حاسس بالخزي او بالحزن..
وممكن الدنيا تتطور أكتر
لما نبص للي عند الناس ونحس انه أحسن من الي عندنا ده بيخلينا نحس باننا لا نستحق واني مش هقدر أحقق الي هو حققه
و أبدأ يحس بالغيرة أو بالحقد من الي حواليه لمجرد انه شايف نفسه بعين عدم الاستحقاق..
مع ان على فكرة هما كمان ناس
وهما كمان فاكرين ان الي عندك احسن..
في 3 أسباب لشعور عدم الاستحقاق
🔺المقارنات
لما بركز علي الحاجة الحلوة الي عند الناس بركز معاها علي الحاجة الوحشة الي عندي فبتزيد وبتكبرطول ما احنا بصين برانا وعيونا مش مركزه علي الي جوانا لا هنرتاح ولا هيكون عندنا طاقة للسعي
((كلما اتسعت عيناك ضاق صدرك))
الحل
نركز علي الحاجة الحلوة الي عندنا ونقارن نفسنا بنفسنا
ولو عاوزين نكون أحسن فاحنا نحط لنفسنا هدف اننا نكون أحسن ونسعي له
ليك ظروفك وقصتك المختلفة فاستمتع بكتابتها ✍️
🔺أفكارنا
الأفكار الي في دماغنا عننا من أكتر الحاجات الي بتأذينا الي هي غالبا
أفكار سلبيه
كلنا كده بس مش دائما بتكون صحيحه
لو هي فكرة مكتسبه من بره فهي بتعدي علي فلاتر كتير جدا علي ما تدخل لدماغي
وممكن أكون بطبق التشوهات المعرفية
الي هي بتكون ناتجة عن تعميم ناتجة عن اني شايفه الدنيا يا ابيض يا اسود
يا خير يا شر مع ان احنا نفسنا فينا الخير والشر مع بعض
او ناتجة عن الكمالية
في التفكير
اني عاوزة كل حاجة كاملة
عاوزة العلاقة كاملة ياما تكون 100% ياما مش عاوزاها خالص
الحل
لازم نسأل نفسنا هل الفكرة دي صحيحة هل أنا بتوقع هل أنا بفترض؟
هل في دليل علي الأفكار الي جوايا دي!
المناقشة بتقلل جدا من حجم الفكرة الي جوانا
واستبدال الأفكار السلبية بأفكار ايجابية بتغير من مسار المشاعر تماما
🔺 الفشل
كلنا اتعرضنا لأننا نقع في غلطة زمان او نفشل في علاقة او في شغل
ده بيخلينا ممكن منكونش قابلين اننا اتعرضنا لده وشايفين نفسنا لا نستحق..
منستحقش اننا نحب ونتحب
منستحقش اننا نعيش حياتنا بشكل مرضي لينا
الي حصل في الماضي حتى لو كان وحش هو مش بيوصفنا أوده يخليني اتعامل على ان الحاضر لازم يكون كده والمستقبل لازم يكون كده
الحل
محتاجين نقبل بشريتنا واخطاءنا
خلاص غلطنا بوعي وبظروف زمان مختلفة
وحالا احنا بوعي وظروف تانية خالص
لو تجاوزنا ال 3 أفكار دول هنتجاوز فكرة أننا لا نستحق
