الصمت
الصمت
قالوا سكتَّ وقد خُوصِمتَ قلتُ لهم
إنَّ الجواب لِبابِ الشرِّ مفتاحُ
والصَّمت عن جاهل أو أحمقٍ شرف
وفيه أيضًا لِصون العِرض إصلاحُ
أمَا ترَى الأُسود تُخشَى وهي صامتة
والكلب يُخسَى لعمري وهو نبَّاحُ
من المهارات الي تعلمها واكتسابها بتخلينا كبشر أكثر حكمه وتعقل في إدارة الأمور وبتقلل اننا نتسحب لغلط في الكلام نتيجة رد سريع وبدون تفكير
بتجنبا اننا نحكي او نتكلم عن حاجة مش حابين ان حد يعرفها عننا
وبتزيد من هيبتنا في اي مكان بنكون متواجدين فيه
طب ازاي أتعلم فن الصمت ؟
٧ أدوات تعلمنا فن الصمت
"اول العلم الصمت و الثاني حسن الاستماع و الثالث حفظه و الرابع العمل به و الخامس نشره"مصطفي لطفي المنفلوطي
◻️حسن الاستماع
ادركت ان فعلا العلم مش هيحصل غير بحسن الاستماع
اني بسمع عشان افهم
بسمع بإنصات من غير ما اقاطع وادخل في الكلام بسمع عشان اكتسب كل تفاصيل المعلومة الي بتتقال
◻️التفكير قبل الإجابة
لن تحسن الاجابة اذا اساءت الاستماع قبلها
يبقي عشان ارد علي الي قدامي باجابة تقيله وفيها حكمة
محتاجه انصت شوية الاول و اسكت عشان اعرف ارد صح
( ما ندمت على سكوتي مرة، لكنني ندمت على الكلام مرارا) عمر ابن الخطاب
◻️تمارين التنفس
اول ما بنلاقي نفسنا عاوزين ندخل في الكلام سواء برد علي الي قدمنا او اننا نحكي عن نفسنا
فلما بنعمل تمارين تنفس بتخلي قلبك وعقلك اكثر هدوء وقدره علي إلتزام الصمت
الناس بتحب تتكلم عن نفسها وتحب الي يسمعهم اكتر
◻️الاهتمام بالاستماع عن الطرف التاني اكتر
لما نحس اننا عاوز نتكلم عن نفسنت او مقول راي في الكلام
نستبدل ده باننا نسأل الطرف التاني أسئله
مثلا
لو بتحكي حاجة عن نفسها كنت بقولها طب كل حاجة بقي ليها ناحيتين
ايه الحلو الي فيها؟ كده ببقي خلتها هي تتكلم عن جانب كويس في حكايتها و أنا أتعلمت أكتر ألتزم الصمت
◻️الهدوء
نعمل رسايل الموبيل صامت
لان كتر التنته بتفقدنا تركيزنا وبتخلينا طول الوقت مشدودين ومسحوبين في الزحمة
◻️التحكم في الغضب
لما نكون متعصبين ومحتاجين نكتب لحد رسالة
نكتبيها ونصبر منبعتهاش
نقوم نتوضي ونصلي
اونستني لما ننام ونصحى تاني يوم
ونرجع نقرأ المسج
في الاغلب مش هنبعتها وهنحس اننا بقينا اهدى ومبقيناش محتاجين نبعتها
◻️التأمل
ممارسة التأمل يومياً
بتساعد على اننا نرتب أفكارنا و مشاعرنا ونكون اهدى داخليا و بالتالي هنكون قادرين نتحكم في الي خارج مننا وقادرين نلتزم الصمت
"بكثرة الصمت تكون الهيبة"
