عندك افراط في الرعاية ولا تفريط في التربية! 

في تربيتنا لولادنا ورعايتنا ليهم أوقات بنخلط بين هو أحنا بنراعي ولا بنربي ؟!

الرعاية: كل ما له علاقة بالمأكل والمشرب والمسكن

التربية: كل ما له علاقة بالقلب والعقل والأفكار وطريقة حل المشكلات 

أوقات بيبقى كل الي شاغل دماغك انيك تجبلهم أحسن أكل و تدخلهم أحسن مدارس وتوديهم أحسن نادي 

طب وشخصيتهم وأفكارهم ومشاعرهم مين يساعدهم في تكوينها و فهمها بشكل مظبوط؟! 

وفي نفس الوقت ماينفعش تكون عايش مع ولادك انك بتسمع مشاكلهم و أفكارهم و تساعدهم يحلوها 

وأنت في الأساس مش بتصرف عليهم ! 

✳️ لو عندك نقص في دي أو دي بتبقى مشكلة

لازم الاتنين يكونوا موجودين والعلاقة بينهم متوازنة

بتحاول توفرلهم رعاية كويسه حسب مستواك و بتديهم وقت ومجهود و تفهم و محبة 

✳ ️لو عنديك اي نقص في أحد الاتجاهين بيعمل خلل كبير في الشخصية

احنا في الحالة دي بنغفل حاجة مهمه قوي اللي هي

" يوصيكم الله في أولادكم" 

✳️ لازم يكون عندنا نية وفاهم ولو عندك مشكلة تاخد خطوات نحلها لأنهم إمتداد ليك في الدنيا و في الآخرة 

التربية محتاجة نية ورعاية وتخطيط 

لكن مش شرا ومجايب وتقليد و تنطيط