التعلق
التعلق
فرق كبير بين اني بحب ولا متعلق..
عايش بكياني في العلاقة دي ولا عايش مسيطر ومُتحكم في الطرف التاني أو مجرد خيال له
علامات انك في علاقة تعلق
♨️ وجع قلب وألم
طول الوقت حاسس ان قلبك بيتعذب
"من تعلق بشئ غير الله عذب به" ابن القيم
♨️عايش ومش عايش
كاننا مع الناس بس مش معاهم في نفس الوقت
قاعد بجسدي في مكان بس روحي وافكاري ودماغي في مكان تاني
♨️الحنين
طول الوقت في شعور بالحنين لشخص وكإن الدنيا وقفت على الشخص ده
♨️دوامة مشاعر
مشاعر متحكمه فينا بشكل صعب بتسحبنا تماما من حياتنا
مش قادر اركز في اي حاجة ولا في اي شعور غير المشاعر الي سحباني وراها دي
♨️مشاعر قلق
خوف وقلق وتوتر
خايف لا يسسيبك او تحصل حاجة تبعدكوا او يبعد او حد يدخل حياته
طول الوقت مشاعر الخوف والقلق مُفعله
♨️مشاعر عدم استقرار
مش عارف انا رايح فين بالعلاقة دي
مفيش ارض ثابته وطول الوقت في شعور بعدم الأمان
♨️مشاعر عدم ثقه بالنفس
سواء الطرف التاني الي بيصدرهالي باني مش كفايه فبالتالي بيكون في فقدان للثقة في النفس
او انا الي طول الوقت عندي احساس اني مش كافي ومعنديش ثقة. في نفسي داخل العلاقة
♨️تنازلات غير الطبيعي
بقبل كلام او تعاملات او تصرفات مستحيل اقبلها في العادي
♨️تصرفات منافيه للعقل
ببقي عارفة ان الصح أعمل كذا و الغلط كذا
وبعمل الغلط لمجرد انه علي هوى الطرف التاني
♨️حرب داخليه ووش جوه الدماغ
طول الوقت حاسس انك في حرب داخليه ومستنزف
♨️لوم للنفس
لو زعل بلوم نفسي ولو انا زعلت بلوم نفسي اني مكبره الموضوع
لو عمل حاجة ضايقتني بقول ما يمكن لو مكنتش عملت كذا كان حصل كذا
طول الوقت بحمل نفسي اي غلط بيحصل في العلاقة
♨️شعور ان روحك بتنطفي وتبهت
في اعراض انسحاب لو الشخص ده سبنا بيكون عندنا اعراض انسحاب أشبه بالي بيحاول يبطل اي نوع من الادمان وألم جسدي
و فقدان طاقة وألم في الروح وفي القلب
♨️انعزال عن الناس
بيحصل تحاشي أو بعد عن الناس الي بنحبهم عشان احنا عارفين ان احنا بنتأذي
فاما بنتجنب الي بنحبهم عشان مش عاوزين نحكلهم الي بنعيشة
ولو حصل وحكينا مبنسمعش الكلام
♨️بندور علي الحل دائما عند مصدر الألم
بنتوجع منه فبنروحله
دائماً شايفه أو انه لو بس حبني كان هيحصل ايه
لو كان اهتم بي في الموقف الفلاني كان كل حاجة بقت تمام
دائما شايفة ان هو الي في ايده علاج ألمي
♨️بننام علي ألم او قهر وبنصحى عليهم
موجوعين لانه مبيردش مثلا فبنام علب الوجع
وبنصحى على ألم وغم
مبنلاقيش غير التجاهل و بدايه ونهاية مؤلمة لليوم
عايشة علي أمل أن الشخص ده يعاملني كويس بس الألم ده مبيتحققش
الحل
خطة لمدة شهر
⭐ نحط نيه (رغبة قوية في التخلص من المشاعر المؤلمة)
النية لازم يتبعها عمل
مفيش حد في الدنيا ان أنا أضيع حياتي عليه
الرجاء ما قارنه عمل ، وإلا فهو أمنية. - ابن عطاء الله السكندري
⭐هنسأل نفسنا حاجتين
هو ده حب ولا تعلق؟!
مشاعر الحب لازم يصاحبها مشاعر طمأنينه ومشاعر راحة ومشاعر ايجابيه
لو تعلق هيبقى المشاعر المصاحبه عدم استمتاع
احباط وخذلان وقلق
علطول خايفه
شعور دائم بعدم الأمان
لازم نبقى محددين ده جوه دماغنا عشان عقلنا بيبقي عايز تمهيد
⭐هنربط الاداة دي بمواقيت الصلاة
5 مرات يومياً
بعد الصلاة أو قبل الصلاة
لو مش بصلي يبقى فرصة أخد خطوة واستعين بالله
⭐الي داير في دماغنا تحت تحكماتنا أحنا
فمهم اني أحول تفكيري الي بيتم للشخص الي أنا عاوز أفك التعلق به
لاني أدير افكاري واوجهها للشكل الأنسب لمصلحتي
نفكر في حد بنحبه بالفعل او بيُحسن ليا في الحياة
منفكرش في المفقود حتي لا نفقد الموجود
لازم نكرر ده يوميا 5 مرات زادت خير وبركة مزدتش خلاص بس المهم متقلش عن 5 مرات
⭐دوام الحال من المحال
التغيير هو الشئ الوحيد الثابت في الحياة
فاشمعنا دي هي الي كنا عاوزنها تفضل ثابته
فعلينا ادراك ان دوام الحال من المحال
⭐ايه اسوء حاجة ممكن تحصل نفترض اسوء سيناريو ونتقبلها
لان عكس الطبيعي وعكس البديهي اننا نفترض ان حياتنا ماشيه مفيش فيها اي ابتلاءات
⭐نتقبل فكرة الألم
نتقبل اننا خلال الشهر ده هنتوجع
هيبقي في ألم و في تفريغ للمشاعر
عاوزين نعيط نعيط
عاوزين نتنكد نتنكد
خلال الشهر ده اسمح لنفسك تحس بالألم وتحرر مشاعرك عشان تسبنا
المشاعر لو مسمحتلهاش تخرج بتفضل ساكنه فيك
⭐اعمل فصل للشخص ده عن ال 5 حواس
اعمل un follow
مبعتش رسايل
ومقعدش أدور وراه على مواقع التواصل
بلاش ارجع لفويسات تخصه واسمعها او صور بتاعته واتفرج عليها
اعمل delete لكل ده
⭐المواعيد المرتبطه في يومي بالشخص ده أربطها بحاجة أو حد تاني
في أوقات كنا بنتكلم فيها كنا بنصحى الصبح نتكلم او بنتكلم قبل النوم بالليل
نستبدل ده بمكالمة مع ناس تانيه بحبها في حياتي
🔸انا كل ده بقول لعقلي بأكتر من طريقه اقفلي الفايل ده وخلاص
اقفلي ومتفتحيهوش تاني
⭐بلاش استخدم جملة ماذا لو
كان ايه هيحصل لو كان حبني
كان هيحصل ايه لو مكنش عمل
اول ما ألاقي نفسي بقول "ماذا لو"
أقلبها
"ماذا بعد"
تفتيت الفكرة
مثلا اني مش قادره انساه
بكتبها في النص وبطلع منها حاجات
ابدا اكسر المشكلة
◻️مبقدرش انساه ليه عشان مثلا لما ببقي سرحانه فيه بفضل سرحانه ساعتين تلاته مبستبدلش الفكرة علطول
◻️ بسمع أغاني حزينة عن البعد والهجر والفراق
او بسمع اغاني كان هو بيبعتهالي
فلما بسمع بفتكره
◻️ بعدت عن ربنا مؤخرا
لان احنا لما بنبقي محطوطين نفسيا بنبقي مش قادرين نصلي ولا نقرأ قران
◻️ بروح نفس الأماكن الي كنا بنروحها مع بعض
بشوف نفس الناس المشتركين بينا و بين بعض
◻️ بتابع اخباره
◻️ بعيط علي التوقعات الي كان نفسي تحصل
catch check ♻️ change
◾قفشت الفكرة
بفكر فيه
ندخل ل دماغنا أفكار مفيده خلاص وقفت الاذى وهدخل لدماغي حاجات كويسه
◾اسمع الاذكار بصوت حد بحب صوته
هستبدل بعدة عن ربنا مؤخرا لاني هصلي والتزم بالصلاة وازود كل يوم عن المعتاد
◾نستبدل بتابع اخباره لبلوك وان فريند
◾بروح نفس الاماكن
خلاص مرحش واستبدل
بعيط علي التوقعات استبدلها بماذا بعد
💠كل ما فعلت عقلية الحل كل ما لقيت حلول
كل ما قعدت اهري في المشكلة كل ما المشكله زادت
احنا ممكن نكون مش معززين نفسنا او ضاغطين عليه في العلاقة دي
اذا تعالي عليك شئ اهنه بالتخلي
واذا استعصى عليك قلبك كف عن وصاله
واذا تغير عليك أحد امنحه نسيا كانه لم يكن
ولو مقدرناش نعمل ده نستشير متخصص
ما علَّق العبد رجاءه وتوكله بغير اللّه إلَّا خاب من تلك الجهة ؛ ولا استنصر بغير اللّه إلَّا خُذِل !
ابن تيميَّة
