قلل غضب وقريفة زود مناعة ومرونة نفسية
(قلل غضب وقريفه زود مرونه ومناعة نفسية)
وده هنعمله ازاي بقي؟! 🤔
مهارات التأقلم
5 مهارات لو اتعلمناهم هنقلل من مود الاكتئاب وهنكون اكتر صلابه ومرونه نفسيه 💕
بتتعمل ازاي بقي
◼️ خلي بالك من الحكايه الي بتحكيها لنفسك عن نفسك
هو انا بكلم نفسي بقولها ايه
انا مش بتاعة رجيم عمري ما هخس
جيم ايه الي اروحه🏋️
انا محتاجه اروح دار مسنين 👩🏼🦳
الناس يمين وشمال بتدهن body lotion
وانا بستخدم فولتارين 🙆🏻♀️
دي حكاية بنكلمها لنفسنا بتتحول لأفعال
والأفعال ترجع تتحول تاني لأفكار سلبيه
ونقعد نشكي ونعيد ونزيد ونغم في نفسنا
وانا كده استفدت ايه 😏
♻️ فنخلي بالنا من الحكاية الي بنحكيها لنفسنا عن نفسنا 👏
◼️ أسأل نفسك 🤔
الفكرة السلبيه الي في دماغك (عن نفسك او عن شخص او عن الحياة)
لازم تقفشها وتسألها
أيوه أقعدي معاها قعدة راجل لراجل 🤝
ليه بقى هعمل كده
عشان هي لوحدها عندها ما يكفي من الطاقه الي هتخليك عايش في السواد
وتبقي رايح جاي شغلتك في الحياة
مولد الطاقه السلبيه بتوزع طاقة سلبيه علي نفسك وعلي الناس الي حواليكي 🌚
-ضاقت فلما استحكمت حلقاتها
=ايه فرجت
-لا لسه هتضيق تاني أصبر 🤌🏻🙄
الي انا بقوله ده عندي له دليل ولا انا بعمم وخلاص 😒
الفكرة دي انا مقتنع بيها أصلاً ولا برددها وخلاص بقول زي ما الكل بيقول 🤷🏻♀️
لما نسالها ونتسأل عنها هنقلل من ال power بتاعها
ده هيؤدي لتحسن وتقبل اكبر للوضع الي انا فيه ✌️
◼️كافء نفسك
قالولي تعب الشغل هينسيكي أحزانك
بقيت حزينه و تعبانه 😭
وعشان منحسش بالتعب و الضيق بس لازم
احط لنفسي مكافأه بعد كل فترة ضغط 👏
مثلاً ضغط شغل لمدة شهرين فتحط بعدهم سفريه أو أي حاجة تغير بيها مودك أو تشتري كتاب نفسك فية 🤝🌸
◼️نفتكر كل أزمة مرينا بيها وكنا متخيلين انها مش هتعدي وازاي عدت بسلام 🤍
نفتكر نجاحتنا السابقة 👏
ونفكر نفسنا ان ده أصل الدنيا ولولا المحنة ولحظات الألم مكناش استشعرنا لحظات السعادة والراحة والنجاح 😍🌿
◼️ نشوف role model
حد عدى بظروف صعبة بابتلاء يقطم الضهر وكان عنده من حسن الظن بالله و التفاؤل و الصبر و الرضا
الي اعانه انه يتجاوز ابتلاءه 👏
يعني لو حالاً مثلا ربنا مُبتليك بمرض او ازمة مالية أو أزمه في شغله مثلاً
اشوف حد عدى بنفس المحنة وعرف يعدي منها بسلام 🤍
"إنما أمرُه اذا أراد شيئًا ان يقول له كُن فيكون"
حد كان سلبي او في صفات سلبيه لكن أشتغل علي نفسه
لحد ما بقي كشخص صفاته أفضل و بقي احسن علي المستوى النفسي كشخص او في تعاملاته مع الناس المحيطين بيه 👏✌️
"وأن ليس للإنسان إلا ما سعى و ان سعيه سوف يُرى ثم يُجزاه الجزاء الأوفى " 🤲
لما بنقرأ في سيرة الناجحين او بنشوف ناس تأقلمت وعدت من ابتلائتها ده بيزود ثباتنا و بيدينا احساس أكبر بالطمانينه 😌
ما بين عسر وعسر .. يزهر اليسر ☘️
