المقالات

انتوا مين فيهم؟! 

"بروا ابنائكم قبل ان يبروكم "
بعد كل إنفصال بيتم بين الزوجين
بيكون الأهل متقسمين ل 1 من ال 4 هنتكلم عنهم دلوقتي
مهم تعرفهم و تفهم أنت مين فيهم؟!

Willing and able
🔷 عندي الرغبة والقدرة

يعني جاهزين ان يكون في اتفاق بين الأب والأم علي تربية الولاد

القدرة بتعتمد علي المهارات
طلاما اتجوزت المفروض اكون عارف طلبات شريك الحياة واعمل ايه ومعملش ايه
وكذلك طلاما خلفت

فلو انا عندي القدرة و الجاهزيه ده أفضل حل محتاجين نوصله لمصلحة أولادنا
ان يكون عندي الرغبة في تربية اولادي و عندي القدرة على تطبيق ده
هل ده مش واقعي؟
مش واقعي عشان الناس بتستهل فمش بتعمله
لكن في ناس قليلين لكن موجودين

Un willing  and able
🔷 مش عايزين لكن قادرين
يعني عندي المهارات وعارفة ازاي اربي وباخد كورسات
بس لا.. أنا مش هعمل ده
اما واخدين الموقف ده عندّ مع الطرف التاني
أو تسويف او واخدين موقف متعنت لاي سبب
الي بيصعبها ده بيصعبها علي نفسه هو والله
فسهلوها عشان تتسهل

الحل
اشوف سبب العند أو التسويف ده ايه و أغيره
واتقي الله و اصفي النيه
واقول ان طلاما خلفت يبقى لازم اربي صح

Willing and unable
🔷 عايزين بس مش عارفين
نفسي اربي الولاد سواء الطرف التاني موجود او مش موجود
بس مش عارفه ازاي
هنا بتفتقر للمهاره
مهارات التربية والتواصل مع الولاد
فالناس هنا نفسها تربي بس مش بتاخد سُبل تعينها في تنفيذ ده
الحل
اشتغل علي نفسي يبقى عندي كتب أقرأها أو احضر كورسات

Un willing and un able

🔷 لاعندنا الرغبة ولا القدرة
دي اصعب مرحلة
في عيوب واضحه علي المستوي الاخلاقي والتربوي وعلي المستوي النفسي
قاعدين بيشاوروا علي بعض و بيعلوا علي بعض في الاذيه وناسين العيال

الحل
لازم ناخد قرار باللجوء الي طبيب نفسي
أفتكر ان الولاد وديعة وأمانه هيتسأل عليها كل طرف لوحده قدام ربنا
لو بدا يبقي عندنا جاهزيه نوجه جهد و طاقة ووقت وفلوس لعيالنا بعد الانفصال

قال رسول الله صلى الله عليه وسلم: (كفى بالمرء إثماً أن يضيع من يعول).