أنت فاعل ولا مفعول به
أنت فاعل ولا مفعول به!
في تعاملتنا مع الناس
بقدر أتحكم في نفسي بتعامل تبع مبادئ و أخلاقي و قيمي
ولا اي كلمة بتوديني و اي كلمة بتجبني و اي حد قادر يرميلي كلمة يستفزني بيها و يخليني ادي رد فعل مكنتش أحب أعمله أو أتصرف بشكل في اساءة لان معندبش تحكم حقيقي علي نفسي
١١ حاجة لو طبقناهم هيساعدونا نُدير مشاعرنا ونكون فاعل مش مفعول به
◀️أعرَّف مشاعري
هو أنا حاسة باية غضبانه او مضايقة او مجروحه او حاسة بالألم
◀️ ليه؟!
أسأل نفسي ليه حسيت بالمشاعر دي ليه اتعصبت قوي كدة او ليه الكلمة دي وجعتني قوي كدة
◀️اهدي نفسي
أعمل عمليات تنفس عشان أساعد نفسي أهدى وما اتصرفش برد فعل أنفعالي سريع
◀️مسؤوليتي ايه
طلاما مشكلة حصلت بين طرفين لازم يكون في جزء من الغلط علي حتي لو نسبته ضعيفة
احنا غالبا بنزيح نفسنا باننا نحط الي قدامنا هو في طرف الجاني والمخطئ وناخد رد فعل اني تمام ومش غلطان
لكن هنا ضروري أفكر انا نسبة الغلط الي على ايه واخدها بعين الاعتبار
◀️قدوة او شخص اثق في رأيه
ارجع لحد أنا متابعاه وبحب أسمعله
عشان أدي لدماغي مرجعية من شخص تاني
عنده حكمة في التعاملات والتصرفات وأطلع نفسي بره دايرة أفكاري
◀️الكتابة
من أهم الحاجات الي بتساعدنا نهدى ان يكون في مكان بفرغرفي أفكاري ومشاعري بيني و بين نفسي
◀️الإحسان
ممارسة التعامل الطيب مع الناس واننا نكون دايما مسباقين بالخير بيفرق جدا وقت المشاكل
عقلنا بنسبة كبيرة يوميا بيدينا أفكار سلبية عن نفسنا وعن الناس
والحاجة الي تقدر تساعدنا نعالج ده اننا نستبدل التفكير السلبي ده بتفكير ايجابي
الحد الي الدنيا بينا وبينه مش في أحسن أحوالها نحاول نُحسن له في تعاملتنا
نمدح الحاجة الحلوة الي فيه
عشان لما الدنيا تقفل بينا وبينه ميبقاش النهاية. مش أحسن حاجة
يبقي في رصيد كافي من الإحترام والإحسان و الودّ
◀️اقبل الرأي والرأي الآخر
يعني مقفلهاش علي نفسي وابقي بصة من عندي وبس وهو كدة..
لا ادي لنفسي فرصة اشوف الدنيا من عنده ووجهة نظرة ومشاعره في الموضوع ايه؟!
◀️اوقف نفسي عن اصدار الأحكام
لو فضلنا لبسين نضارة الحكم وماشي بعلم علي الناس كلها ده في وده في وده في
عمري ما هيكون عندي وقت أحب الناس
فمحتاج أفهم و أتفهم عشان لما أعمل ده هقدر أقرر بشكل في نضوج عاطفي
◀️محاسبة الذات
أقف مع نفسي كل فترة و أفكر هل أنا بكبر في السن بس!
ولا نضجت علي مستوى مشاعري وأفكاري كمان
هل بقيت بقدر أدير نفسي بشكل صحيح و بتحكم في انفعالاتي و لا ماشية زي ما الدنيا ممشياني وخلاص
لما بقف واراجع نفسي كل شوية بقدر أقيم أنا ماشي صح ولا غلط
◀️اتعايش مع الحاضر
أعلم نفسي ان كل يوم هو فرصة جديدة ربنا رزقك يوم جديدة عشان تكون مُنتج فيه
لا أتسحب في امبارح و لا أفكر في بكرة
الإنسان نتاج تصرفاته وتعاملاته
مش تعاملات وتصرفات الناس معاه
لو طبقنا دي هنكون فاعل مش مفعول به
" وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ"
