! كارت مهم
ايه الخطوات الإستباقية اللي تقدر تعملها وتساعدك وقت المِحنة؟
وإزاي ناس بتدخل الِمحنه وتطلع أفضل وأنقى وأرحم بنشوف في ملامحهم وحواليهم هالة نور
وناس بتدخل ممكن تفضل عمرها كله تايهه جوه
الفكرة إن في ناس بتستعد و ناس مستنية
الدنيا لا تخلو من مِحن وابتلاءات ده يقين لا شك فيه
فإما تستعد عشان لما تتعرض لابتلاء تقدر تساعد نفسك وتتعامل وإما تستنى ولما يجيلك الابتلاء تقع وتتكسر
اللي بيعين إن الإنسان يستثمر علي نطاق
الروح و القلب و العقل.. 🤍
🔹الروح بصلّه ويقين بالله
🔹القلب
بنيّة صادقة وأفعال تخدّم علي جانب الخير فيك
تكون وسيلة إعانة وقت الإبتلاء وتجعل ليك آثر في الدنيا
وتكون سبب نجاتك باذن الله في الآخرة
🔹 العقل
إنك تتعلم وتدخل مادة علمية يوميًا علي عقلك
خد من يومك ولو ربع ساعة يوميًا أتفرج علي فيديو لشخص بالنسبالك بيديك معلومات و ذو حكمة
أكتب وراه اللي أتعلمته
يا حبذا لو قدرت تنشر النفع ده للناس بنيّة خير
ده بيعمل ايه بقي ؟ بيسقي الزرع اللي في عقلك
عقلك زي جنينة كبيرة يا تسيبها لحد ما تبقى بور
يا تستثمر فيها وتزرعها
عشان وقت ما الإبتلاءات تيجي ودتخل في السنين العجاف
تلاقي عقلك قادر يخدمك بأفكار وحلول تساعدك علي النجاة
اصلك كنت شغال علي نفسك عشان وقت ما تحتاج تلاقي حصاد كتير يساعدك ☘️🤍
"الأمرُ الذي قد يُرضيك في نهاية المطاف، هو أن تكون شخصًا زادته المِحَن جمالًا" 🤍
