ده مش حب
ده مش حب
انت في علاقة حب ولا علاقة تعلق؟
الحب حالة من الونس من الأمان و الراحة
الحب في احترام لكل شخص ككيان بحب بمميزاتك و قابل عيوبك
في مساحة لكل شخص واهتمامات مختلفة ومحيط مختلف مش شرط الطرف التاني يكون جزء منه
الحب قبول و تفهم و عطاء متبادل
التعلق
علاقة أشبه بالإدمان
بس الإدمان في العلاقة دي بيكون لشخص مش لشئ
الطرف التاني في العلاقة بيكون محور الكون بل كل الكون كل حاجة بتدور حواليه
في حالة من الاعتمادية من طرف على طرف او من الطرفين على بعض
المتعلق بعد فترة في العلاقة بيبقى طول الوقت عاوز جرعة مشاعر وقرب واهتمام زيادة
عايش في حالة من الرعب ان الطرف التاني يبعد عنه
10 نقط لو بتمارسهم في علاقتك بشريك حياتك أو بأولادك أو بأصحابك
يبقى دي علاقة تعلق مش حب
📌عطاء زايد
ومحاولة لاثبات انك كويس
بتحاول دايما تثبتي انك كويس
وبتقدم زيادة عن اللزوم
بتدي زيادة عن طاقتك وزيادة عن حاجة الطرف التاني
دي علامة انك في علاقة تعلق
📌 مبتعرفش تقول "لا"
"لا" معناها احساس بالذنب
لو رفضت لابنك او لشريك حياتك طلب بتحس بذنب كبير انك حرمته من حاجة
لا بالنسبالك = شعور كبير بالذنب
📌السيطرة
عندك احساس طول الوقت انك عاوز تتحكم في العلاقة وفي الطرف التاني
الطبيعي ان يكون عندنا تحكم بس علي مشاعرنا و أفكارنا
عشان تعاملتنا تكون في احسن طريقة
لكن لو طول الوقت بنحاول نسيطر علي الطرف التاني وبنسأل علي كل حاجة
انت قابلت مين؟
انت اتكلمت مع مين؟
بتشتري من المحل ده ليه مش قولت بلاش المحل ده!
متصاحبش فلان!
وده بيخلي الطرف التاني يتخنق ويحس انه عاوز يبعد في اي مكان بس يبعد عن اطار تحكماتك
📌 الاهانه
دي حاجة نفسيه بنعملها بينا و بين نفسنا أو قدام الناس
انك تهين وتقلل من الطرف التاني
عشان تحس انك مُسيطر في العلاقة
📌 خوف، فرض، ذنب
معني اني عاوزة حاجة والطرف التاني يرفضها يبقي الدنيا هتتقلب
📌 رمي تهم
علي الطرف التاني
انت الي خلتني اعمل كده
انت اللي خلتني ازعق
انت اللي خلتني اشتمك
📌المبالغة في رد الفعل
كلام من عينة
يعني أموت نفسي
لو سبتك انا هموت
او لو انت خنتني انا هخونك
رد في مبالغة جداً في الأغلب عمرنا ما هنعمله
📌مد الأيد
لما بتتعصب ونشد في الكلام
بنمسك حاجة نحدفها نكسرها
أو مد ايد من طرف علي الطرف التاني
📌ضغط وتوجيه
الضغط على الطرف التاني انه ياخد قرارت عكس رغبته
يعني مش مسموح لولادك يقولوا هما عاوزين يدخلوا كليات ايه
بتفرض عليهم اختياراتك كلها
ياكلوا ايه ويخرجوا فين
وممكن مع جوزك انك بتفرضي عليه يشتغل شغل تانيه مثلا في مكان هو مش عايزة
او بتفرض علي مراتك تاخد قرارت مش مريحاها
📌 الملاحقه
انت فين
انت بتعمل ايه
لو خارج مع أصحابه تبعتيله 500 رسالة عشان يفضل يكلمك ويسيب القاعده معاهم
ياما هتشكي فيه
طول الوقت بيتصل وعاوز يعرف عنك كل نفس وكل حركة
الحب يُحيك اما التعلق يُميتك
"أحب حبيبك هونا ما"
