الغضب
"من غضب منك ولم يفعل فيك شراً ، اختره صاحباً لك ، فالغضب يفضح طينة البشر"
علي بن ابي طالب
بتصرف ازاي وقت الغضب؟
مبدأياً التحكم في الغضب مهارة يمكن اكتسابها 👌👏
لان الأكيد ان القوة الحقيقية مش في انك تغضب
لكن في قدرتك علي التحكم في الغضب وانك تتمالك نفسك وقت الغضب
وانك تتجنب أصلا الوصول للفضب..
✅ خطوات استباقية وقائيه
تساعدك علي التحكم في الغضب
صلاه، صيام، قيام الليل، ممارسة التأمل
تحاول تهدي نفسك بكل الطرق يومياً
✅ في وقت الغضب
في لحظات العصبية والغضب
▫️ خد نفس طويل وخرجه بهدوء مع تكرار
"أعوذ بالله من الشيطان" وكررها لحد ما تستشعر انك بدأت تهدى
طب لسه حاسس بالغضب
▫️قوم و اتوضى
الوضوء بتركيز حقيقي كإنه بيطفي نار الغضب
لو قدرت تأخد خطوة الصلاة بعد الوضوء ده بيساعد جدا في السكون و الهدوء
لما بتاخد الخطوات دي ده بيخلي تفكيرك اهدى واستجابتك للموضوع بتكون أحسن
وان الدنيا بقت أبسط بكتير من الإحساس اللي كنت فيه
✅ طب لو حصل و غضبت فعلاً وده وارد و كلنا بنغضب و بتفلت مننا أوقات
وخلاص انفعلت وحصل مشهد
طب تعمل ايه؟
ورقه و قلم و أكتب هو أنت غضبت قوي كده ليه؟
وغلطك فين؟
وهل مثلً العلاقة دي دايماً بتزنقنك في حته كده بتخليك تغضب جامد!
طب الحل ايه؟!
مهم تاخد قرارات علي اطار نفسك و التحكم في مشاعرك و أفكارك وردود أفعالك وتصرفاتك
وعلي اطار العلاقة اللي بتسببلك القلق ده
ولو غلطان لازم تعتذر
لو غضبت وعملت فقرة مع اي شخص
واستفزيت وغلطت.. أعتذر
الغضب الشديد والإساءة لحد... ملهوش مبرر مهما كان السبب اللي وصلك لده
لازم انت تكون قادر تُدير نفسك
هزيمة الغضب هو الانتصار على عدو عظيم.
