المقالات

لو كنت ناسي أفكرك

لو أنت محتار في قرار معين؟

أو تعبان من مشكلة.. 

خليني أسألك.. أنت بتنسى ليه الكرم الكبير؟

حتى الأوقات الصعبة اللي كنت حاسس ان عمرك ما هتعدي منها عدت بفضل وخير وبركة ونعمة من ربنا وقوة.. 🤍

افتكر وقت كنت فيه في أسوء حالاتك.. وكنت حاسس إن خلاص مش هتطلع من الموضوع ده وإن هي دي النهاية..

 وربنا كرمك وطلعت

وطلعت أقوى و أحسن 🤍

لا ده في مكاسب كمان عادت عليك

مكاسب في الناس

ومكاسب في حاجات كتير حواليك.. 

ومرحلة اكتشفت فيها حاجة جديدة

كان لازم تمر بالتجربة دي وتتوجع عشان تفهمها 👌

أو يتقفل باب في وشك عشان تدور علي باب تاني مفتوح.. 

أصل طول ما أنت قاعد في مكانك المُريح عمرك ما هتتعلم حاجة.. 

كل حد قابلك في حياتك و أذاك

يا ترى قابلت كام واحد قدامه في حياتك كويس؟! 

الاجابة

 انك هتلاقي اكيد كتير ناس حلوة في حياتك

لكن لو اجابتك ده انا مابشوفش غير الوحش!

يبقى محتاج تراجع نفسك أنت قاعد فين و بتتعامل مع مين!

ويبقى أنت اللي محتاج تتحرك من المكان ده

" قل لي من تصاحب أقول لك من أنت " 

محتاج تفتح عينك وتشوف لطف ربنا في حياتك وتستشعر قيمة النعم قبل ما تزول.. 

النعمة التي يتم تجاهلها تصبح نقمة أو تفقد قدرها كنعمة..