على نياتكم ترزقون
على نياتكم ترزقون 🤍
أي مكان دخلته وأي حد بتتكعبل فيه في حياتك اليومية.. بيكون بشكل ما لإن في حاجة في نيتك ونيته خلتيكوا تتقابلوا مع بعض
والنية هي اللي بتنقلك من إنك بتعمل اي حاجة لمجرد انها لازم تتعمل لانها تتعمل بهدف ورؤية واضحين 👌
النية هي اللي بتحول العادة لعبادة
طب ازاي تفعّلها من منظور علم النفس الإيجابي؟
✔️ تركيز إيجابي.. ركّز على إنك تعمل حاجة مفيدة
وحاول تكون مُحسن فيها و أنت بتعملها..
مجرّد التركيز علي الحاجة بشكل إيجابي بيفعّل مشاعر إيجابيه بتلاقي عقلك بينتج أفكار كتيره بتسهل عليك إنك تقابل ناس وتحصل حاجات كلها بتخدم علي الفكرة اللي جواك
بس أهم حاجة ان الفكرة تعززها بنية
✔️حدد وقت لتنفيذ الفكرة المدعومة بنيّة قلبية..
يعنى مثلاً انك لحد نهاية السنة دي هتعمل حاجات تقوّي علاقتك بربنا و تقرّبك منه أكتر
او انك هتوقف عادة سلبية بتعملها بنية إحسانك لنفسك وجسمك
✔️راجع نواياك يومياً في الموضوع
هو أنت بتعمل ده ليه؟
واسأل نفسك اللي أنت بتعمله ده متوافق مع نيتك ولا لأ؟
طالما النية إيجابية هتلاقي ربنا بيسخرلك اشخاص ومواقف وكلمات تسمعها تساعدك علي تنفيذ الحاجة اللي بتسعى لها 🤍
إنما المرءُ بقلبه🤍
عشان كده كرر دايما دعاء
🍀"اللهم أصلِح قلبي"
🍀"اللهم ارزقني قلباً سليماً"
🍀" اللهم اني أعوذ بك ان أشرك بك شئ أعلمه واستغفرك لما لا أعلمه"
لان انت يوميا بتقابل ناس وبتتعامل مع شخصيات مابتبقاش عارف هما خير ولا شر
وتاخد بكلامهم ولا لأ وتقرب منهم ولا تبعد
فجدد نيتك دايماً وتأكد ان اللي جاي خير
على قدر صلاح النوايا تأتي العطايا...
" إِن يَعْلَم اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِمَّا أُخِذ مِنْكُم"
