المقالات

٧  حاجات مش بتعدي معانا في العلاقات 

واذا تغافلنا عنها في البداية هيجي وقت و مش هنقدر نتعامل في العلاقة دي أكتر من كده وهنبعد 

🟥 Emotional abuse 

ابتزاز عن طريق المشاعر 

أو اساءة بالألفاظ شتايم أو ضرب و مد ايد تحت بند الهزار و التهريج 

(ايه ده انتِ قموصه و بتزعلي) 

(انتِ حساسه زيادة عن اللزوم) 

(علي فكرة عادي يعني كل الناس بتعمل كده انتِ الي عايشه في دور ست الناظرة) 

(خلاص انا معتش ههزر معاكي تاني ولا هتكلم خالص طلاما بتزعلي) 

ده كل يتحط تحت بند الابتزاز العاطفي لو احنا بنعمل الحاجات دي او حاجة منهم نوقفها تماماً 

ولو بتتعمل معانا نقول اننا مش بنقبل ده و نرفضه بشكل حازم 

🟥 النقد

النقد قادر يموت اي علاقة مهما كانت قوية 

▪️نقد تحت بند التشجيع ان الي بتعمله مش كافي و لما انتقدك هتبذل مجهود اكبر

▪️سخرية بهزار قدام الناس او التقليل من صفة او تصرف الطرف التاني بيعمله 

في فرق كبير بين انك ترفض سلوك او رأي وبين انك تطعن في الشخص نفسه 

النقد مبيوصلش لاي حاجة غير الرفض والهجر في النهاية 

الإنسان بيحب الي يشجعه ويمدحه مش الي يقلل منه و يهينه.. 

🟥 أسلوب قلب الطرابيزة 

اما بانه ينكر تماما الغلط وانه محصلش وانت بيتهيألك 

و انه يكون في رد فعل عنيف و غضب كبير وغير مبرر ان ازاي أصلاً انت شايفني غلطان و فجأه نلاقي الموضوع اتقلب ان انت الي طلعت غلطان ومطلوب منك تعتذر وتراضي الطرف التاني بدل ما تتراضى 

الأزمة ان الي بيلعب اللعبة دي بيكون متخيل ان محدش فاهم غيرة هو الي ماسك خيوط اللعبه كلها في ايده وان محدش يقدر يثبت عليه حاجة 

وعايش في دور الضحية بشكل مخليه هو نفسه مصدق فيه ومتخيل ان مستحيل الطرف التاني ميصدقش فيه 

لكن الحقيقة ان لو أتحملنا ده مره او اتنين او عشرة هيجي وقت وبندور وشنا ونمشي حتي لو معندناش دليل 

والحقيقة اننا من أول مرة فاهمين وبنتغاضي لسبب تاني خالص غير اننا مش فاهمين 

🟥 بدخل في علاقة جديدة وانا نيتي تغير الطرف التاني

📍انا هتجوزها صغيرة عشان أربيها انا علي ايدي 

📍هو شكله ملهوش في الخروج و السفر بس لما نكمل مع بعض انا هغير ده في 

📍هي بتشتغل بس لما اتجوزها هشترط عليها ما تشتغلش 

📍هو عصبي و لسانه طويل بس انا هصبر عليه لحد ما يتغير و يهدى واكيد هيتغير عشان بيحبني 

مينفعش ارتبط بشخص او ادخل في علاقة صداقة مع طرف تاني وانا داخل بعقلية اني هغيره محدش بيتغير غير لما هو يكون عايز يتغير وبنسبه 

لو الطرف التاني وصله طول الوقت انه مش راضيك و مستنيه منه طول الوقت تغير و اختلاف عن الشكل الي هو عليه الأكيد انك هتخسره 

🟥 تعدي الحدود

اما حصار بالأسئلة في كل حاجة و بشكل في تعدي علي خصوصيات الطرف التاني 

أسئلة تخص حياته الشخصية او أسئلة عن شغله ده لو في علاقات الصداقة 

او حتى مع ولادنا إلحاح اننا عاوزينه يحكلنا كل حاجة و اصرار علي المُحاصرة بالاسئلة مع اننا شايفينه انه مش عاوز يرد او بيرد بشكل مختصر 

لو ده بيحصل معانا نرد بشكل في وضوح اننا مش حابين نحكي او نتكلم في الموضوع ده

ولو احنا الي بنعمل ده لازم نوقفه.. 

🟥عاوزك لي لوحدي

دائما الطرف ده عنده رغبة يقطع الطرف التاني من كل علاقاته محدش يشغله ولا يكلمه غيره هو بس

لو شريك حياة مش عاوز ابدا يكون في حياتك أصدقاء ولا حتي عايز يكون ليكي علاقة باهلك

ولو علاقة صداقة فطول الوقت بتتلام لو كان ليك أصدقاء تانين طول الوقت بلاحقك بالتليغونات او بالتواجد عشان ميكونش عندك وقت لحد غيري 

احنا مش بتوع نفسنا اذا كنا مش بتوع نفسنا أصلا "انا لله" 

خليكوا رحمة لقلوب الناس مش وجع