أتعامل ازاي مع الناس الي بوشين؟
نتعامل ازاي مع للناس الي بوشين؟
من أكتر الحاجات الي بتخوفنا اننا نتعامل مع ناس بتقابلنا بتضحك في وشنا وتظهرلنا محبة وهي من ورانا بتتكلم علينا وبتذم فينا
في وشنا بيظهروا انهم بيخافوا علينا وعاوزين مصلحتنا وهما من ورانا بيهدوا فينا و بيحاولوا يوقعونا
أحياناَ الصدمة بتخلينا مش عارفين نتصرف
او حتى لما بنعرف انهم بوشين بنبقي مش عارفين نوقفهم عند حدهم ازاي
الحل ايه بقى؟!
🎭 أولاً اصلاح نفسي
"وفي أنفسكم أفلا تبصرون"
🔹أعمل سيرش على صفات المنافقين
🔹وأكون أمينة مع نفسي وأنا بقيم نفسي محدش مُطلع علي التقييم ده
لو قيمت نفسي صح هبقي خدت خطوة كبيرة في الحل
وكل حد مننا في بعض صفات المنافقين وهو مش دريان
ده سبب أساسي في اني كل شوية أتكعبل مع الشخصيات دي في حياتي
فلازم أخد خطوات مع نفسي في علاج الصفات الي هلاقيها في قلبي من صفات النفاق
"عليكم أنفُسكُم لا يضُرُكم من ضلَّ إذا اهتديتُم"
🎭 اختبار للشخصية بمدة كافية مع تقديم العذر
لو الشخصيه ده معايا في الشغل ومبتعملش مثلاً المطلوب منها
أو على مستوى العلاقات و بيماطل و مبيلتزمش بكلامه
هديلة مدة لا تقل عن 3 شهور
في خلالهم هتابع مع الشخص ده هفكره كل شوية باتفاقنا او بالمطلوب منه وأقيس خلال الفترة دي خد خطوة فعلاً ونفذ كلامة ولا بيسوف و بيماطل و بيكذب
في الحالة دي اخد موقف حازم و اوقف العلاقة دي
قال رسول الله صلى الله عليه وسلم"
(لا إيمان لمن لا أمانة له، ولا دين لمن لا عهد له))
🎭أكون محددة أكثر في طلباتي و في المطلوب من الطرف التاني
بمعنى ان خلاص أنا بدأت أحس ان الشخص ده مش واضح بيقول هعمل و مبيعملش اطلب طلب واضح محدد
لو علي مستوى الشغل هنقول اديني وقت معين هستلم فيه الشغل ده ونحدد وقت أسبوع مثلا
ولو علي مستوى الارتباط مثلاً
محتاجه أعرف معاد محدد هتاخد في خطوة الارتباط مثلاً ونقول محتاجين رد خلال أسبوع
لو في خلال الفترة دي موصلناش لحاجة
يبقي الشخص ده بيكذب ومش ناوي ياخد خطوة بيكدب و بيلاوع وهو جواه نوايا تانيه ناخد خطوة ونقفل مع الشخص ده ونحمي نفسنا..
قال رسول الله ﷺ: "آية المنافق ثلاث: إذا حدث كذب، وإذا وعد أخلف، وإذا اؤتمن خان "
