المقالات

ازاي منصعبش الأمور على نفسنا؟! 

من أصعب اللحظات الي بتمر علينا 

لما بيجلنا ضربه من حد قريب مننا وغالي علينا 

بيحصلنا حاله من عدم الاستيعاب وفقدان التوازن

أصل ده أكتر مكان مكناش بنلتفت نأمن نفسنا منه لاننا متخيلين انه أمان.. 

ولما بنتعرض لظلم كبير واذى بين 

سواء في شغلنا أو في مكان احنا دائماً مقدمين فيه الإحسان والخير..

بتبقى خبطه مش عادية بتعلم علينا لفترة على  ما نقدر نُقف علي رجلينا

عشان نعدي الفترة دي بسلام قدر الإمكان.. 

لازم نكون أكثر رحمة بقلوبنا 

نسمح لنفسنا نحس بكل مشاعرنا 

بلاش الصدمة تخلينا نرفض مشاعر الألم عشان متخيلين انهم ميستحقوش نتألم عليهم 

الألم حصل بالفعل احنا بنتألم

عشان احنا بشر حبينا واتعاملنا بصدق وإحسان و اتخدعنا واتخذلنا مش عشانهم خالص.. 

نقبل مشاعرنا ونصدقها عشان تاخد وقتها وتروح ده عشانا إحنا والله مش عشانهم 

وأحمدوا ربنا انكوا الجنب الي قدم الإحسان و العطاء و كان صادق في العلاقة دي..

ونتقبل ان ده أصل الدنيا الكل مُبتلى في ناس كانت قريبه منه حتي الرسل والأنبياء اتاذوا من ناس كانت مُقربه جدا منهم 

"وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ"