الستات أعظم من الرجالة
الستات أعظم من الرجالة!
"إِنَّ كَيْدَكُنَّ عَظِيمٌ"
يا ترى هو فعلا الستات أعظم من الرجالة وايه علاقة الكيد بالعظمه؟
الكيد بمعنى المكر أو الحيلة أو التصنع
وله طريق للخير و طريق للشر زي كل حاجة في الدنيا واحنا الي بنحتار هنستخدمه ازاي وليه
الستات عندهم قدرة علي استخدام ده في الخير عندهم قدرة علي توصيل الأفكار بمزج بين المشاعر والكلام
وبطريقة و بأخري تقدر تقنع بيها زوجها او أولادها بالصالح لو بستخدمه في الخير
لكن الأغلب سواء ستات أو رجالة بيستخدموا الكيد في الشر
الأخيار لما بيفكروا في المكايدة بيراجعوا نفسهم
حتى لو اخدوا قرار انهم يأذوا شخص رد علي اذيته لهم
بيراجعوا نفسهم ضميرهم و قيمهم مبتسمحلهمش بالمكايدة
الأشرار بيكيدوا و يدبروا و يخططوا و يضربوا في الضهر
ولو كيدهم ظهر واتكشف بيكبروا المشكلة ويزودوها ويوسعوها اكتر
وبيمشوا بمبدأ طلاما باظت تبوظ على الكل
طب هو الصورة الي طلعت منك للناس والفكرة الي الناس خدتها عنك مين المسؤول عنها؟!
الأفعال هي الي بتدي الصورة
وأفعالك هي الي بتحدد الصورة ال عاوز تصدرها للناس
خير ولا شر
قوة و لا ضعف
الكيد لا يضر إلا صاحبه
والمكر لا يقع في النهاية إلا على من قام به
"وَلَا يَحِيقُ الْمَكْرُ السَّيِّئُ إِلَّا بِأَهْلِهِ"
