المقالات

خطوة سهلة ومهمة في التربية 

كلنا عدى علينا في حياتنا الأشخاص المريحة الطيبة

والأشخاص المسيئه المؤذيه

لما ولادك بيطلعوا للدنيا بيشوفوها في البداية بعنيك أنت . 

بيقابلواأولاد تعاملهم صعب بيكيدوا ليهم أو بيتنمروا عليهم و بيأذوهم 

وبيقابلوا الأصحاب اللي بيحبوهم و بيحبوا علاقتهم بيهم ♥️

وقتها بيكون دورك كأم أو كأب تساعدوهم يلاقوا الحل الأنسب الي يحموا بيه نفسهم من المؤذي

وتعرفهم الشكل الي يقدروا يستثمروا بيه في علاقتهم باللي بيحبوهم.. 🌸

ببساطة الحل فاننا تسألهم 

ربنا موجود قد ايه في العلاقة دي؟ 

اي علاقة ربنا ركن أساسي فيها سواء في تعاملات أو نوايا أو أفعال يومية مشتركة بتخدم علي عبادتك لربنا.. 

يبقي الأكيد ربنا هيباركلك فيها ولو حصل وافترقتوا في الدنيا بسبب سفر او وفاة او اي سبب هترجعوا تتقابلوا في الجنة 💚

واللي هيروح هناك قبل التاني هيسأل عليه وهيستناه..

"وَنَزَعْنَا مَا فِي صُدُورِهِم مِّنْ غِلٍّ إِخْوَانًا عَلَىٰ سُرُرٍ مُّتَقَابِلِينَ" 

العلاقة بين اي شخصين لو ربنا موجود فيها عمرها ما بتتقطع بل بتكون سبب لعلاقات تانية جديدة مفرحة في حياتهم ♥️

لو كل اللي صادر منك تحذيرات وتوجيهات لأولادك

خلي بالك الناس كلها مؤذيه!

وصدرتلهم فقرة الرعب من الناس

ممكن يكملوا حياتهم كلها بيلفوا في دائرة الوحدة أو البعد عن الناس خوفًا من فكرة ان قرب الناس كلها مؤذي!

لازم تعرفهم ان الدنيا فيها الحلو وفيها الوحش..

طول ما ربنا ركن أساسي في علاقتك بالناس 

العلاقات الطيبة هتبقى وتزيد

وهيصرف عنك الناس الي ممكن يأذوك وهيكشفهم ليك 

"ما كان لله دام و أتصل و ما كان لغير الله انقطع و انفصل"