المقالات

التحاليل الطبية لاكتشاف الشخصية النرجسية 

لما بنروح نعمل تحليل في اي معمل 

دائما لما بتظهر النتيجة فيها مشكلة

 ياما زيادة في المعدل او ان المعدل أقل من الطبيعي 

بيكون اما عرض لمرض جد علينا 

او مرض منقولنا في الوراثة والجينات 

ده نفس فكرة الشخص النرجسية 

جزء منها صفات جدت علي الشخص من تعاملاته مع الناس الي حواليه 

والجزء الأكبر و الأهم جاي نتيجة التريية 

من مرحلة الطفولة 

ده بيحصل بسبب 3 أساليب غلط في التربية 

❌الكمالية في التربية

بتربي ابنك ان لازم يكون الأول في كل حاجة 

الأول في المدرسة و في التمرين وأحسن من كل أصحابه

مينفعش ينقص مينفعش يطلع حتى التاني 

احسن حر واشطر حد في كل حاجة

ده بيتسبب بشكل ما في ان الطفل ده ممكن يطلع بيعاني من اضطراب الشخصية لنرجسية 

❌التهاون في التربية 

سايبه الولد براحته تمامًا 

الي عاوز يقوله يقوله والي عاوز يعمله يعمله 

مفيش توجيه من أي نوع 

كل الي عاوزه بيُلبى مش مطلوب منه يعمل اي حاجة 

الطفل ممكن لما يكبر يعاني من اضطراب الشخصية النرجسية 

لانه بيبقي شايف إن الناس ملهمش لازمة كل حاجة مش مهمه 

أنا أعمل الي أنا عاوزه 

❌الشدة في التربية 

الأم الي بتربي بقسوة زايدة 

منع من حاجات كتير بدون ابداء اسباب 

انشف عشان تطلع راجل 

ال 3 أساليب دول بيطلعوا في الأخر طفل مُعرض انه يكون بيعاني من اضطراب الشخصية النرجسية 

فطلاما قررتي تجيبي أطفال فأنتِ مسؤولة انك تربيهم صح 

أقراي واتعلمي أكتر عن التربية 

لازم التربية تكون بوسطية 

تحاليل الشخصية النرجسية الصفات الي هنقولها حالا لازم تتوفر في الشخص بنسبه متوسطة عشان يكون شخص طبيعي 

اذا زادت الصفة دي في الشخص يبقي ده معناه انه ممكن يكون بيعاني من اضطراب الشخصية النرجسية 

ولو قلت فده اضطراب نفسي برده بس في اتجاه تاني 

🔵 الثقة في النفس بإفراط 

1هو حد واثق في نفسه جدا شايف انه أهم حد في الحياة الكون كله بيدور حواليه هو بس

شايف نفسه وجوده في حياة اي شخص شرف كبير 

وده مختلف تماما عن الثقة في النفس المطلوبه تواجدها في الإنسان الطبيعي   

طول ما أنتِ في نطاق الطبيعي والمتوسط تبقي زي الفل

لو زايد عن اللزوم هيتحول لغرور وغطرسه وتكبر 

🔵 حب الذات (الأنا) 

لازم تكوني بتحبي نفسك بس طول ما أنتِ في الطبيعي بحب نفسي و بحب الناس و بحس بيهم و بتعاطف معاهم 

أما في اضطراب الشخصية النرجسية هو بيحب نفسه  بس 

هو مش شايف باقي الناس أصلاً عشان يحبهم

الناس كلهم بالنسباله مجرد أدوات لتحقيق رغباته

🔵 النجاح 

الشخص الطبيعي بيحب يكون ناجح 

أما الشخص النرجسي

بينسب أي نجاح لنفسه هو بس 

لولايا كانت الشركه دي وقعت

حتي ولاده لو نجحوا فهما نجحوا عشان هما ولاده والفضل يرجعله 

مش شايف اي فضل للناس الي معاه في النجاح   فبيبدا يخسر علاقات والناس تنفر منه

🔵 الفشل

الطبيعي اننا بنقابل في حياتنا لحظات فشل زي ما بنمر بفترات نجاح

والطبيعي اننا نتقبل الفشل ونتعلم منه احنا عايشين بنغلط وبنقع و بنتعلم 

اما النرجسي مبيقبلش الفشل ولو حصل بيلوم علي الاخرين هو مجرد ضحية 

ضحية الشركة و ضحية مراته الي مش فهماه و ضحية البلد و ضحية الناس هو مجرد ضحية و الفشل بسبب اي حد لكن عمره ما يكون بسببه هو 

لو العلامات دي متوفرة بشكل كبير في الشخص الي مرتبطه بيه يبقي قد يكون بيعاني من اضطراب الشخصية النرجسية 

في الحالة دي لازم تشوفي القرار الأنسب ليكي 

سواء بانك تبعدي عن الشخص ده او تتعلمي أساليب التعامل معاه