المقالات

ازاي ارد علي شخص بيجرحني؟! 

لما بنقعد في قعدة مضطرين فيها نتعامل مع ناس بتأذينا بالكلام بيكون التعامل في المواقف دي محتاج منك قوة و ثقة و ثبات عشان تتجاوزي المواقف دي من غير ما تعلم عليكِ 

5 حاجات لو طبقتيها بنية هتساعد جدا إنك تحافظي علي نفسك 

🟨 الذكر والصلاة

والاتصال بالله

 عشان اخاطب كل الي له علاقه بالسلام والطمأنينه لازم أكون موصوله بالله  

"وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ فَسَبِّحْ بِحَمْدِ رَبِّكَ وَكُن مِّنَ السَّاجِدِينَ وَاعْبُدْ رَبَّكَ حَتَّى يَأْتِيَكَ الْيَقِينُ " 

🟨 الرد بحكمة 

لما يترمى كلام بهدف الأذى او الاستفزاز 

أرد بهدوء تقصدي ايه؟! 

لا في الجملة الي قولتيها عاوزه افهمها؟ 

كل ما كان ردك بهدوء و بثقة ده بيهز الطرف التاني و بيخليه يحس انه موصلش لحاجة  

🟨 بلاش تشخصني الكلام 

مناخدش الأمور بشكل شخصي

وكإن ده معناه اني حطيت ايدي علي بطحة عندي و ان في نقص ما وكلامه هزني 

ده بيوصل للطرف الي قدامي اني الطرف الأضعف

لان الي معندهمش حق

بيبقي عندهم ثبات انفعالي جامد جدًا وواثقين في حجتهم الي كلها كذب وتلفيق و ظلم 

فالأدعى انك تكوني واثقة في نفسك وعارفة ان كلامهم لا يعنيكِ

🟨 التعلم 

نقرأ ونتعلم ونزيد معرفة

الشخص الجاهل خفيف هو مفعل بس هواه و سايب الشيطان يسوقه

ومن الحاجات الي بتخليه يخاف ويفكر مرتين وهو بيأذي

ان الشخص الي قدامه يكون تقيل فاهم نفسه كويس وقادر يكون حكيم في تصرفاته وردود أفعاله 

🟨 الصمت 

من أكتر الحاجات المُريحه لو اتطبقت صح هي انك تتعلم التجاهل مع المؤذي مش كل كلمة تستحق منك الرد

ولا كل تصرف يستحق تديله اهتمام وتفكري فيه وتردي عليه

(( العاقل من عقل لسانه))

" وَاصْبِرْ وَمَا صَبْرُكَ إِلَّا بِاللَّهِ ۚ وَلَا تَحْزَنْ عَلَيْهِمْ وَلَا تَكُ فِي ضَيْقٍ مِّمَّا يَمْكُرُونَ"