المقالات

اوعي تكون هي دي حسبتك وقت المحنة ! 

وقت الإبتلاءات الكبيرة والمواقف الصعبة دايما بنطلع واخدين بالنا ومركزين قوي مين كان جنبنا وسندنا ومين تخلى عننا و سبنا لألمنا.. 

مين حاول يُعين بدعم أو كلمة طيبة أو مساعدة ومين تخلى أو زود ألم فوق ألمنا 

طب السؤال هل أنت وقت المحنة كنت قادر تسند نفسك الأول أصلا! 

الابتلاءات كشافه

 زي ما بتكشفلنا وشوش الناس

بتكشفلنا نفسنا كمان

مناطق الضعف فينا

وهل احنا كنا شغالين علي نفسنا فعلا بشكل يعينا لما نتحط في محنة

ولا كنا بندعي ده وأول ما المحنة جت اتهزينا واتكسرنا و كفرنا بكل مبادئنا 

المحنة محتاجة ◻️صلة قوية بالله

◻️وصلة قوية بذاتنا وبقلوبنا

◻️قبل الصُحبة و الدعم الخارجي

" لولا مصائب الدنيا لوردنا يوم القيامة مفاليس "