المقالات

10 أسباب تخليك تكمل حتى لو مش مبسوط في جوازك 

ربنا وصف الزواج بالميثاق الغليظ
عشان هو مش شبه اي علاقة يسهل اننا نفك ترابطها والصلة الي حصلت بين الشخصين دول.. 

طب ايه الأسباب الي ممكن تخلينا نكمل

◾توفير الأمان المادي
عايشة في بيت أمن وطلباتي مُجابه
بيصرف عليا وعلى بيته وعلي أولاده بشكل كويس
دي ميزة كبيرة تؤخذ في الإعتبار

لان في ناس كتير بتبقي عاوزة تطلق زي ما قولنا الفلوس وعدم وجود أمان مادي
سواء لانه بالفعل معهوش او هو مش عاوز يصرف على بيته أو على أولاده
فلو ده متوفر دي ميزة عظيمة مينفعش نعديها كده ومهم ناخدها بعين الإعتبار

◾الوفاء للعشرة
تقدير السنين الي عشتها معاه
مقدر لحياتي معاه ومش عاوزه انهيها
وشايفة ان العلاقة دي  مهمه في حياتي وهبذل ما في وسعي وهتغاضى عن حاجات علشان أكمل فيها

ان قيمنا وتوجهاتنا في الحياة وفي التربية واحدة
بيربوا بنفس الطريقة بيتعاملوا مع بعض بنفس الاحترام بيقدروا قيمة الاسرة
بيقدروا قيمة المساحة الشخصية
فلو القيم واحدة او حتي متقاربة من بعض
بيكملوا وهما مبسوطين
حتى لو كان في الظاهر العلاقة مش احسن حاجة

◾ قيمة الأسرة عندك تكون عالية قوي
مهم بالنسبالك ولادك يتربوا وسط أب وأم
وفي بيئة ووسط أسري صحى
أب وأم بيتعاملوا مع بعض بإحترام
أبوهم متواجد ليهم
والأب والأم موجودين بشكل فعلي في حياة ولادهم

◾أب وأم كويسين 

ان يكون الطرفين ام كويسه و أب كويس
لو هي شايفه انه أب عظيم لولاده
هتكمل وهي راضيه
وهو نفس الوضع لو معترض عليها شكل وموضوعاً بس شايفها أم كويسه لولادها
ممكن يستبعد موضوع الطلاق ده من دماغه خالص والعشرة هتطول و هيكملوا مع بعض
حتي لو كانوا ظاهريا مش مبسوطين

◾ التوافق الروحي
في توافق على مستوى الروح أو الشخصية
مخلياني قابله حاجات منه
فلو واحدة صاحبتك بتقولك أنتِ ازاي تخليه يقولك كده أو يعملك كده
أو هو الناس حواليه بيقولوا أنت ازاي سايبها تمشي كلامها مثلاً
بس هو في تناغم وتوافق مخليكوا مرتاحين في العلاقة دي
حتي لو كان راي الناس  خلاف ده

◾ الطلاق مش اختيار
ان فكرة الطلاق مش مطروحة اصلا و دي فكرة كان أهلينا عايشين بيها
ان هو يلاقيها اتعصبت فيهدى هو عشان الدنيا تعدي
او هو الي الاداء علي معاه و عمل مشكله على اي حاجة فتهدى هي وتحايله
زي ما أمهاتنا كانت بتقول
"قساهم و لا خلو دارهم"
اه يقسى علي بس ميسبنيش
فان الطلاق مش مطروح فانا بكمل وبكون مبسوط لاني مش متخيل ان الطرف التاني ده ميكونش في حياتي

◾ الإنتماء
احساس اني مُنتمي للشخص و للبيت و للمكان ده
شبه احساس السمك انهم هيطلعوه من المياه
اننا مُنتمين لبعض و سكن جامد لبعض برغم العيوب الصعبه
احساس بالانتماء مينفعش يترجم بالكلام 

◾ تذكر الفضل
الامتنان للحاجات الصغيرة في الحياة
ممتنه ان هو موجود في حياتي
ممتنه اني خلفت مثلا
الامتنان للحاجات الصغيرة الي هو بيعملها أو الي هي بتعملها
بيعمل زي عملية ميزان كده تخليني مش مستاءة قوي من الحاجات الي مش كويسه الي موجوده في العلاقة

◾ خفة الدم
انها دمها خفيف وانت بتحب الشخص الي دمه خفيف
أو هو طول ما هو قاعد بيهزر و انتِ بتحبي كده
حتي لو في أسباب كتير من الي بتدعوا للطلاق
بس البيت علطول في ضحك وتهريج وخفة دم
ده بيغطي و بيشيل كتير من المشاعر السلبيه
وبيشحن رصيد و بيخلي عنينا متركزش على السلبيات

البيوت تُبنى على المودة والرحمة و تذكر الفضل و تقبل العيوب و التغافل عنها