أعلم عليه
هو احنا بنبقى عاوزين نفهم في ايه؟
ولا بنبقى عاوزين نعلم عليه!
أحد الحاجات الي بنطبقها في
التشوهات الفكرية
labeling
او أعلم عليه!
لما بنكون في خلاف مع حد و بنتكلم و بنتجاذب أطراف الحديث
وفي موقف مضايقنا منه
مش بنستفسر ولا بنواجهه..
عقلنا لما بنكون مضايقين من حاجة
في مشاعر ضيق بس مفيش حاجه معينه حصلت لده
فعقلنا بيخترع حكايه وهميه..
كلنا بلا استثناء عقلنا بيعمل ده
وبنفضل نراكم موقف علي التاني
وبنبقي بنتعامل مع الي قدمنا اننا عاوزين نسبت الأفكار و الحكايات اللي في دماغنا دي عليه..
فلو حصل اي مشكلة بينا و بين طرف تاني ودايماً بتختم بخناقة
#الحل
✔️ لو حد باقي عليه
نتكلم ونسمع عشان نفهم ونتفهم
✔️ لو عملت كذا مواجهه وبرده بتفشل
يبقى كده العلاقة دي الأفضل ليها تبقى علاقة متحدده.. عشان الي رايح وجاي بينكوا يفضل ماشي بإحترام
✔️طب لوعايز تكمل علي خير..
يبقى تسمع و أنت حاطط في دماغك انك بتسمع عشان تفهم
ولو قفشت نفسك بتحاول تعلم عليه!
أسأل نفسك سؤال أنا بسمع عشان أفهم ولا بسمع عشان أعلم عليه؟!
أهم حاجة في اي مشكله بعد المواجهة و الصراحة الإنصات واننا نفهم ونتفهم..
"رأيي صواب يحتمل الخطأ .. ورأي غيري خطأ يحتمل الصواب!"
